وتكەن جۇمادا رەسەي پرەزيدەنتى ۆلاديمير پۋتين مەن بالالار ومبۋدسمەنى ماريا لۆوۆا-بەلوۆانى ۋكراينالىق بالالاردى زاڭسىز دەپورتاتسيالاۋ تۋرالى ءىس بويىنشا قاماۋعا الۋعا وردەر بەرىلدى. بۇل تۋرالى سوتتىڭ سايتىندا جاريالاندى.
ۇلىبريتانيا پرەمەر-ءمينيسترىنىڭ ورىنباسارى دومينيك رااب مالىمدەمە جاسادى.
ء«بىز لوندونعا جينالدىق. ماقساتىمىز - اسكەري قىلمىسكەرلەردى ادىلەتسىز, سەبەپسىز ءارى زاڭسىز باسىپ كىرۋى مەن ۋكراينادا جاساعان قاتىگەزدىكتەرى ءۇشىن جاۋاپ بەرۋگە شاقىرۋ», دەدى ول.
سونداي-اق ۇلىبريتانيا حالىقارالىق قاۋىمداستىقپەن بىرگە حالىقارالىق قىلمىستىق سوتقا سوت تورەلىگىن جۇزەگە اسىرۋدى قامتاماسىز ەتۋ ءۇشىن قارجىلاندىرۋدى, ادامدار مەن مامانداردى بەرۋدى جالعاستىرا بەرەتىنىن اتاپ ءوتتى.
وتكەن جىلدىڭ جەلتوقسان ايىندا حالىقارالىق سوت پروكۋرورى كارىم حان حالىقارالىق قاۋىمداستىقتى تەرگەۋ جۇرگىزۋ ءۇشىن قارجىلىق جانە تەحنيكالىق رەسۋرستارعا مۇقتاج سوتتىڭ قولداۋىن ارتتىرۋعا شاقىرعان.
2022 جىلى نيدەرلاندى رەسەي شاپقىنشىلىعى باستالعاننان بەرى ۋكراينادا جاسالعان قىلمىستاردى تەرگەۋ كەزىندە ايعاقتاردى ۇسىنۋ ءۇشىن سوت ساراپشىلارىنىڭ ەكى توبى قۇرىلعان. AFP مالىمەتىنشە, حالىقارالىق قىلمىستىق سوتتا 900-دەن استام قىزمەتكەر جۇمىس ىستەيدى, 2023 جىلعا ارنالعان بيۋدجەت 169 ميلليون ەۋرونى قۇرايدى.
