شەت مەملەكەتتەردە جۇرگەن مىڭعا جۋىق قازاقستان ازاماتى داۋىس بەردى. بۇل تۋرالى سىرتقى ىستەر ءمينيسترىنىڭ ورىنباسارى رومان ۆاسيلەنكو ايتتى، دەپ حابارلايدى Egemen.kz.
كەزەكتەن تىس پارلامەنت دەپۋتاتتارىن سايلاۋ اياقتالۋعا جاقىن. قازاقستان الەمدىك قاۋىمداستىقتىڭ جاۋاپتى مۇشەسى رەتىندە سايلاۋدى حالىقارالىق ستاندارتتارعا سايكەس وتكىزۋگە مۇددەلى بولا وتىرىپ، وعان قاتىسۋعا حالىقارالىق بايقاۋشىلاردى شاقىردى. 12 حالىقارالىق ۇيىم مەن 41 شەت مەملەكەتتەن اككرەديتتەلگەن شەتەلدىك بايقاۋشىلاردىڭ جالپى سانى 793 ادامدى قۇرادى. سونىمەن قاتار سايلاۋدى باقىلاۋعا 246 شەتەلدىك جۋرناليست قاتىسىپ جاتىر. استانا مەن الماتى قالالارىندا «حالىقارالىق بايقاۋشىلار مەن شەتەلدىك باق وكىلدەرىنە جاردەمدەسۋ ورتالىقتارى» اشىلدى. اتالعان ورتالىقتار بارلىق قاجەتتى تەحنيكالىق جابدىقتارمەن قامتاماسىز ەتىلگەن جانە تاڭەرتەڭنەن باستاپ بايقاۋشىلار بريفينگتەر مەن كونفەرەنتسيالار فورماتىندا ءوز پىكىرلەرىن ءبىلدىرىپ جاتىر»، دەدى مينيستر ورىنباسارى ورتالىق سايلاۋ كوميسسياسىندا وتكەن بريفينگتە.
سونىمەن قاتار ول شەتەلدە جۇرگەن قازاقستان ازاماتتارىنىڭ كونستيتۋتسيالىق قۇقىقتارىن قامتاماسىز ەتۋ ءۇشىن 62 شەت مەملەكەتتەگى ديپلوماتيالىق وكىلدىكتەرى جانىنان 77 سايلاۋ ۋچاسكەسىنىڭ اشىلعانىن اتاپ ءوتتى. ولاردا 12 016 ادام داۋىس بەرۋى ءتيىس.
«بۇگىن ساعات 18:00-دەگى جاعداي بويىنشا شەتەلدەگى 11 سايلاۋ ۋچاسكەسى جۇمىسىن اياقتادى جانە قازىر دە جۇمىس ىستەپ جاتقان ۋچاسكەلەردە شامامەن 5 مىڭ قازاقستان ازاماتى داۋىس بەردى. بۇل 42 پايىزدى قۇرايدى. 66 ۋچاسكە جۇمىسىن جالعاستىرىپ جاتىر. جالپى، شەتەلدەگى داۋىس بەرۋ 20 ناۋرىز كۇنى تاڭەرتەڭگى ساعات 09:00-دە سان-فرانتسيسكوداعى سايلاۋ ۋچاسكەسىندە اياقتالادى»، دەدى رومان ۆاسيلەنكو.
مەسسي پسج-دا سوڭعى ويىنىن وتكىزەدى
فۋتبول • بۇگىن، 13:31
وزبەكستان مەن قازاقستان اراسىندا اۋە رەيسى اشىلادى
قوعام • بۇگىن، 12:35
الەۋمەتتىك-مادەني دامۋ كوميتەتىنىڭ كەڭەيتىلگەن وتىرىسى ءوتتى
ساياسات • بۇگىن، 11:33
پرەزيدەنت ءۇندىستان پرەمەر-مينيسترىنە كوڭىل ايتۋ جەدەلحاتىن جولدادى
پرەزيدەنت • بۇگىن، 11:11
سۇڭعات جۇباتقان گران-پري تۋرنيرىندە قولا جۇلدە الدى
سپورت • بۇگىن، 10:47
3 ماۋسىمعا ارنالعان ۆاليۋتا باعامى
قارجى • بۇگىن، 10:37
ۇقساس جاڭالىقتار
ونلاين 
