تاراپتار قازاقستان 2023 جىلدان باستاپ قوسىلاتىن «ەكونوميكالىق دامۋ مۇددەسىندەگى ءتيىمدى باسقارۋ» باعدارلاماسى شەڭبەرىندە ىنتىماقتاستىققا قىزىعۋشىلىق تانىتىپ, ءوزارا تۇسىنىستىك تۋرالى مەموراندۋمعا قول قويدى.
ء«وزارا تۇسىنىستىك تۋرالى مەموراندۋمعا قول قويۋ ەلدەرىمىز اراسىنداعى ستراتەگيالىق ارىپتەستىك پەن ءوزارا ءىس-قيمىلدى نىعايتۋعا قوسىمشا ۇلەس قوسادى. بۇگىن قول قويىلعان كەلىسىمنىڭ ءمانى – ەلىمىزدە «ەكونوميكالىق دامۋ مۇددەسىندە ءتيىمدى باسقارۋ» باعدارلاماسى شەڭبەرىندە ءوزارا قولداۋ كورسەتۋ. ارىپتەستىكتىڭ ناتيجەسى رەتىندە تاراپتار بۇكىل ءوڭىر بويىنشا رەفورمالاردى جۇرگىزۋگە كومەكتەسەتىن باعدارلامانىڭ بولىگى رەتىندە ايقىنداعان ەكونوميكالىق رەفورمالاردى ءتيىمدى جانە اشىق جۇرگىزۋ كۇتىلەدى», دەدى اسەت ەرعاليەۆ.
باعدارلاما ەلدەردىڭ سەنىمدى دەرەكتەردى جيناۋداعى كۇش-جىگەرىن, ولاردى ساياساتتى ازىرلەۋ مەن ەكونوميكالىق رەفورمالاردى جۇزەگە اسىرۋ, ۇكىمەت ىشىندەگى ۇيلەستىرۋ جانە ازاماتتارمەن ءوزارا ءىس-قيمىلدى جاقسارتۋ ءۇشىن پايدالانۋدى قولدايدى.
وسىعان بايلانىستى, اگەنتتىكتىڭ ۇلتتىق ستاتيستيكا بيۋروسى ستاتيستيكالىق دەرەكتەردىڭ نەگىزگى ءوندىرۋشىسى رەتىندە دەرەكتەردى پايدالانۋ بويىنشا ساۋاتتىلىقتى ارتتىرۋعا جاردەمدەسۋدى جوسپارلاپ وتىر. قازىرگى ۋاقىتتا بيۋرو ءارتۇرلى دەڭگەيدە شەشىم قابىلداۋ كەزىندە دەرەكتەردى تيىمدىرەك پايدالانۋدى ىلگەرىلەتۋگە ارنالعان «Data literacy» وقىتۋ كۋرسىن ازىرلەدى.
ء«بىز دەرەكتەرمەن جۇمىس ساۋاتتىلىعىن ارتتىرۋدا ۇلكەن الەۋەتتى كورىپ وتىرمىز. «ەكونوميكالىق دامۋ مۇددەسىندە ءتيىمدى باسقارۋ» باعدارلاماسى اياسىندا ىنتىماقتاسا وتىرىپ, ءبىز مەملەكەتتىك قىزمەتشىلەر اراسىندا دا, قاراپايىم ازاماتتار اراسىندا دا ساۋاتتىلىقتى ارتتىرۋعا جاردەمدەسۋدى جوسپارلاپ وتىرمىز. ءبىز بۇل باستامانى بۇكىل ورتالىق ازيا ءوڭىرى ءۇشىن قۇزىرەتتىلىك ورتالىعى رەتىندە تاراتۋدى ۇسىنامىز. قازاقستان دەرەكتەرمەن جۇمىس ىستەۋ بويىنشا ءبىلىم بەرۋ جوبالارىنىڭ حابى بولادى», دەپ اتاپ ءوتتى ۇلتتىق ستاتيستيكا بيۋروسىنىڭ باسشىسى جاندوس شايماردانوۆ.
كەزدەسۋ قورىتىندىسى بويىنشا تاراپتار ىسكەرلىك سۇحباتقا ريزاشىلىقتارىن ءبىلدىرىپ, قازاقستان رەسپۋبليكاسى مەن ۇلىبريتانيا مەن سولتۇستىك يرلانديا بىرىككەن كورولدىگى اراسىنداعى الداعى قارىم-قاتىناستىڭ ماڭىزدىلىعىن اتاپ ءوتتى.
ايتا كەتەيىك, «Data literacy» باعدارلاماسى ستاتيستيكالىق ساۋاتتىلىقتى ارتتىرۋعا, قولدانبالى جانە بەيىمدەلگەن دەرەكتەر نەگىزىندە شەشىم قابىلداۋ مادەنيەتىن (Data driven decision making) قازاقستان ءۇشىن قولدانبالى جانە بەيىمدەلگەن كەيستەر ارقىلى ەنگىزۋگە باعىتتالعان.
باعدارلاما حالىق پەن مەملەكەتتىك ورگاندار تاراپىنان دەرەكتەرگە سۇرانىستى ارتتىرۋعا مۇمكىندىك بەرەدى, بۇل قابىلداناتىن شەشىمدەردىڭ ساپاسىن ارتتىرۋعا اسەر ەتەدى. باعدارلاما قاتىسۋشىلاردىڭ ءبىلىمى مەن قاجەتتىلىكتەرىنىڭ ەڭ نەگىزگى ءبىلىم دەڭگەيىنەن باستاپ ەڭ وزىق دەرەكتەر تالداۋشىلارى مەن عالىمدارعا دەيىنگى ءارتۇرلى دەڭگەيلەرىنە باعىتتالعان.
بۇگىنگى تاڭدا مەملەكەتتىك قىزمەت اكادەمياسىمەن مەملەكەتتىك ورگاندارعا جاڭادان كەلىپ تۇسكەن بارلىق قىزمەتكەرلەر ءۇشىن كۋرستى ەنگىزۋ تۋرالى كەلىسىمگە قول جەتكىزىلدى.
ەكونوميكالىق دامۋ ءۇشىن ءتيىمدى باسقارۋ (EGED) بۇل – دۇنيەجۇزىلىك بانك 2020-2025 جىلدارى ورتالىق ازيا ەلدەرىندە (قىرعىزستان, تاجىكستان جانە وزبەكستان) جۇزەگە اسىراتىن ۇلىبريتانيا سىرتقى ىستەر مينيسترلىگىنىڭ (FCDO) باعدارلاماسى.
باعدارلامانىڭ نەگىزگى ماقساتى – ورتالىق ازيا ەلدەرىندەگى ەكونوميكالىق ساياساتتىڭ تيىمدىلىگىن, ەسەپتىلىگىن جانە اشىقتىعىن ارتتىرۋ.
