وتكەن جىلى قازاقستاننىڭ ەڭبەك ەرى اتانعان يليا جاقانوۆ اتىراۋ قالاسىنداعى №7 سايلاۋ ۋچاسكەسىنە تىركەلگەن. ول بۇل سايلاۋ ۋچاسكەسىنە داۋىس بەرۋگە زايىبى تيىش التاەۆامەن بىرگە كەلدى.
«بۇگىنگى سايلاۋ – ەل ومىرىندەگى ۇلكەن وقيعا. ءبارىمىز ءۇشىن بۇل سايلاۋدىڭ ءمانى دە, ماڭىزى دا زور. سول سەبەپتەن, وسى سايلاۋدا تەك ءبىز عانا ەمەس, بارشا جۇرت سەنەتىن, جاۋاپتى جۇمىستار مەن ۇلكەن ىستەردىڭ باسى-قاسىنان تابىلا بىلەتىن, قوعامدا ءوزىنىڭ ەرەكشە ورنى بار, ءوزىنىڭ ەمەس, تۇتاس قوعامنىڭ قامىن ويلاپ, بولاشاعىنا بەيجاي قارامايتىن كانديداتقا داۋىس بەردىك. جاڭا قازاقستاننىڭ كەلەشەگى جارقىن بولۋى ءۇشىن سەرپىندى ىستەردىڭ جۇزەگە اسۋىنا ۇيىتقى بولاتىن قايراتتى, ىسكەر, ادال دەپۋتات قاجەت. ەلدىڭ سەنىمىنە يە بولعان سونداي دەپۋتتاتتار عانا ادىلەتتى قوعامدى قۇراتىن بولادى. وسى تۇرعىدان ايتقاندا, بۇگىنگى سايلاۋدا جىگەرلى, بىلىكتى, ءبىلىمدى كانديداتتىڭ عانا جۇلدىزى جانۋى كەرەك. جاڭارۋعا بەت بۇرعان قازاقستانىمىزدىڭ بولاشاعى ساۋلەلى, قادامى ەركىن بولىپ, تاۋەلسىزدىكتىڭ ىرىسى مەن باقىتى كەلەر ۇرپاققا جايلى بولسا ەكەن», دەدى قازاقستاننىڭ ەڭبەك ەرى يليا جاقانوۆ.
