«وڭىردە 269 سايلاۋ ۋچاسكەسى اشىلدى. ونىڭ ىشىندە اۋرۋحانالاردا, ۋاقىتشا ۇستاۋ ورىندارى جانە اسكەري بولىمدەردە 11 جابىق ۋچاسكە بار. بارلىق سايلاۋ ۋچاسكەسى ماتەريالدىق-تەحنيكالىق جابدىقتارمەن قامتاماسىز ەتىلدى. مۇمكىندىگى شەكتەۋلى ازاماتتاردىڭ داۋىس بەرۋى ءۇشىن 54 ينۆاتاكسي قىزمەتى ۇيىمداستىرىلىپ وتىر. سايلاۋدا 412 165 سايلاۋشى داۋىس بەرەدى», دەپ حابارلادى وبلىستىق اۋماقتىق سايلاۋ كوميسسياسىنان.
پارلامەنت ءماجىلىسى مەن ءار دەڭگەيدەگى ءماسليحاتتاردىڭ دەپۋتاتتىعى ءۇشىن 442 كانديدات باق سىنايدى. ماسەلەن, ماجىلىسكە 11 كانديدات تالاسىپ جاتىر. كانديداتتاردىڭ اراسىندا ءار سالانىڭ وكىلدەرى بار. ماسەلەن, سەنات پەن ءماجىلىستىڭ بۇرىنعى دەپۋتاتتارىنىڭ ماماندىعى – زاڭگەر. ولارمەن بىرگە باق-تىڭ وكىلى دە باعىن سىناپ كورەدى.
سايلاۋشىلار ءار دەڭگەيدەگى ءماسليحاتتىڭ 140 دەپۋتاتىن تاڭدايدى. وبلىستىق ءماسليحاتتىڭ پارتيالىق تىزىمىندە 60, ال 15 ءبىرمانداتتىڭ سايلاۋ وكرۋگتەرىندە 39 كانديدات تىركەلگەن. اتىراۋ قالالىق ءماسليحاتىنا 71, سونداي-اق 7 اۋداندىق ءماسليحاتتىڭ دەپۋتاتتىعى ءۇشىن 261 كانديدات سايلاۋعا ءتۇسىپ جاتىر.
