№30 سايلاۋ ۋچاسكەسى كوميسسياسىنىڭ توراعاسى, 6698 اسكەري ءبولىمى كومانديرىنىڭ ورىنباسارى, پودپولكوۆنيك رۋسلان بەكتۇرسىنوۆتىڭ ايۋىنشا حالىق قالاۋلىلارىن سايلاۋ ەلىمىز ءۇشىن ماڭىزدى ساياسي وقيعا. سوندىقتان بەلسەندىلىك تانىتىپ داۋىس بەرۋگە قاتىسۋ كەرەك. بۇل ءاربىر رەسپۋبليكا تۇرعىنىنىڭ ازاماتتىق پارىزى بوپ ەسەپتەلەدى. ويتكەنى تاڭداۋ جاساۋ ارقىلى ەرتەڭ جاڭا قازاقستاننىڭ بولاشاعىن بىرگە قالايمىز. ساياسي-ەكونوميكالىق رەفورمالاردىڭ دا جۇزەگە اسۋى تىكەلەي ازاماتتىق بەلسەندىلىككە بايلانىستى.
ءوز كەزەگىندە 6698 اسكەري بولىمىندە 200-دەن استام سارباز داۋىس بەرۋگە قاتىستى. ول ءۇشىن شىمكەنت قالالىق اۋماقتىق سايلاۋ كوميسسياسىنا الدىن الا ءوتىنىش جاسالدى. ساربازدارعا ارنالعان جابىق داۋىس بەرۋ ۋچاسكەسىندە ءوز تاڭداۋىن جاساعاندار قاتارىندا قاراعاندىلىق جاۋىنگەر داۆيد ۆەليكانوۆ تا بولدى.
«مەن ءوزىمدى قازاقستاننىڭ پاتريوتى سانايمىن. سول سەبەپتى ءوز تاڭداۋىمدى جاساۋ ماقساتىندا وسىندا كەلدىم. مەنىڭ ويىمشا جاڭا داۋىرگە قادام باسىپ جاتقان شاقتا ساياسي بەلسەندى بولۋىمىز كەرەك. اسىرەسە ول ەلىمىزدىڭ جارقىن بولاشاعى ءۇشىن ەرەكشە ماڭىزدى. جالقاۋلانباي مەنىڭ داۋىسىم نە شەشەدى دەمەي, سايلاۋعا بارعان, داۋىس بەرگەن ءجون. مەنىڭ ازاماتتىق ۇستانىمىم وسىنداي. سوندىقتان بارشا زامانداستارىمدى سايلاۋدا بەلسەندىلىك تانىتۋعا شاقىرامىن», دەدى ول.
6698 اسكەري بولىمىندە بيۋللەتەندەردى جاشىككە ءبىرىنشى بولىپ سالعان العاشقى 4 ساربازعا ارنايى سىيلىقتار تاپسىرىلدى.
مەگاپوليستەگى 6506 اسكەري بولىمىندە ورنالاسقان №89 سايلاۋ ۋچاسكەسىندە دە داۋىس بەرۋ تاڭعى ساعات 6.00-دە باستالدى.
كوميسسيا توراعاسى, 6506 اسكەري ءبولىمى كومانديرىنىڭ تاربيە جونىندەگى ورىنباسارى, پودپولكوۆنيك ەرنار اشىربەكوۆ قازاقستان رەسپۋبليكاسىنىڭ ءاربىر ازاماتى ساياسي ناۋقانعا قاتىسىپ, بەلسەندىلىك تانىتۋى ءتيىس. سەبەبى ءبىزدىڭ تاڭداۋىمىز — ادىلەتتى, جاڭا قازاقستان. 6506 اسكەري بولىمىندە 764 سارباز اسكەري بورىشىن وتەپ جاتىر. جابىق سايلاۋ ۋچاسكەسىندە تەك ساربازدار داۋىس بەرسە, وفيتسەرلىك قۇرام مەن اسكەري قىزمەتكەرلەر وزدەرىنىڭ تۇرعىلىقتى مەكەنجايى بويىنشا تاڭداۋلارىن جاسايتىنىن ايتتى.
ايتا كەتۋ كەرەك, اسكەري بولىمدەگى سايلاۋشىلار ءبىر عانا بيۋللەتەنمەن قر پارلامەنتى ماجىلىسىنە پارتيالىق ءتىزىم بويىنشا ۇسىنىلعان كانديداتتارعا داۋىس بەرەدى. بۇل جەردە جەرگىلىكتى ءماسليحات دەپۋتاتتىعىنا ۇمىتكەرلەر ۇسىنىلمايدى.
