بايقاۋشىلار:
1) سايلاۋ كوميسسياسىنىڭ وتىرىسىنا قاتىسۋعا;
2) داۋىس بەرۋگە, سونىڭ ىشىندە ءۇي-جايدان تىس جەردە داۋىس بەرۋگە قاتىسقان سايلاۋشىلاردىڭ سانى تۋرالى اقپارات الۋعا;
3) داۋىس بەرۋدى وتكىزۋ جانە داۋىستاردى ساناۋ كەزىندە ءتيىستى سايلاۋ ۋچاسكەسىنىڭ داۋىس بەرۋگە ارنالعان ءۇي-جايىندا بولۋعا;
4) تاسىمالداناتىن سايلاۋ جاشىگىن باقىلاپ جۇرۋگە, سونىڭ ىشىندە ولاردى تاسىمالداۋ كەزىندە كولىك قۇرالىندا بولۋعا;
5) سايلاۋ ۋچاسكەسىندە, داۋىس بەرۋگە ارنالعان پۋنكتتە داۋىس بەرۋ بارىسىن, داۋىستاردى ساناۋ جانە داۋىس بەرۋ ناتيجەلەرىن رەسىمدەۋ ءراسىمىن بارلىق اتالعان راسىمدەردى انىق كورۋ مۇمكىندىگىن قامتاماسىز ەتەتىن جاعدايلاردا بايقاۋعا;
6) ءتيىستى سايلاۋ كوميسسياسىنىڭ جانە (نەمەسە) ونىڭ مۇشەلەرىنىڭ شەشىمدەرىنە, ءىس-ارەكەتتەرىنە (ارەكەتسىزدىگىنە) جوعارى تۇرعان سايلاۋ كوميسسياسىنا نەمەسە سوتقا شاعىمدانۋعا;
7) سايلاۋشىلاردىڭ داۋىس بەرۋگە ارنالعان ءۇي-جايعا كەلۋ مۇمكىندىگى بولماعان جاعدايدا ولاردىڭ داۋىس بەرۋگە ارنالعان ءۇي-جايدان تىس جەردە داۋىس بەرۋىن وتكىزۋ كەزىندە قاتىسۋعا;
8) ۋچاسكەلىك سايلاۋ كوميسسياسى مۇشەلەرىنىڭ پايدالانىلماعان سايلاۋ بيۋللەتەندەرىن ساناۋى جانە جويۋى كەزىندە قاتىسۋعا;
9) داۋىس بەرۋ بارىسىنا جانە ونىڭ قورىتىندىلارىن شىعارۋعا كەدەرگى جاساماي, فوتوجازبا, دىبىسجازبا جانە بەينەجازبا جاساۋعا;
10) داۋىس بەرۋ ناتيجەلەرى تۋرالى حاتتامالاردى جوعارى تۇرعان سايلاۋ كوميسسيالارىنا بەرۋ ءراسىمىن بايقاۋعا;
11) داۋىس بەرۋ وتكىزىلگەننەن كەيىن داۋىس بەرۋ قورىتىندىلارى تۋرالى سايلاۋ كوميسسياسىنىڭ حاتتامالارىمەن تانىسۋعا, ولاردىڭ كۋالاندىرىلعان كوشىرمەلەرىن الۋعا;
12) سايلاۋ كوميسسياسى مۇشەلەرىنىڭ نازارىن وسى كونستيتۋتسيالىق زاڭ تالاپتارىنىڭ بۇزىلۋىنا اۋدارۋعا, ولارعا بۇزۋشىلىقتار تۋرالى ءتيىستى جازباشا مالىمدەمەلەردى, اكتىلەردى تابىس ەتۋگە جانە تابىس ەتكەنى تۋرالى بەلگى سوقتىرۋعا قۇقىلى. سايلاۋ كوميسسياسىنىڭ توراعاسى, ونى الماستىراتىن ادام سەنىم بىلدىرىلگەن ادامداردىڭ, بايقاۋشىلاردىڭ وتىنىشتەرى بويىنشا داۋىستاردى ساناۋ حاتتاماسىنا ولاردىڭ جاساعان اكتىلەرىن قوسا بەرۋگە مىندەتتى. («قر سايلاۋ تۋرالى» كز 20-1 ب. 4 ت)
بايقاۋشىلار مىندەتتى:
1) ولاردىڭ جەكە باسى مەن وكىلەتتىگىن كۋالاندىراتىن قۇجاتتارىن وزدەرىمەن الىپ جۇرۋگە;
2) سايلاۋ پروتسەسىنە, سايلاۋ كوميسسياسىنىڭ داۋىستاردى ساناۋ جانە شەشىمدەردى قابىلداۋ راسىمىنە ارالاسپاۋعا;
3) سايلاۋ كوميسسياسىنىڭ جۇمىسىنا كەدەرگى كەلتىرەتىن ءىس-ارەكەتتەر جاساماۋعا;
4) سايلاۋ ۋچاسكەسىندە سايلاۋ كوميسسياسى توراعاسىنىڭ ءتيىستى سايلاۋ كوميسسياسى بەلگىلەگەن ءتارتىپ ەرەجەلەرىن ساقتاۋ جونىندەگى تالاپتارىن ورىنداۋعا;
5) ءوز ەسكەرتۋلەرىن قۇجاتتالعان, شىنايى جانە تەكسەرۋگە بولاتىن فاكتىلەرمەن نەگىزدەۋگە;
6) قازاقستان رەسپۋبليكاسىنىڭ وسى كونستيتۋتسيالىق زاڭىنىڭ جانە وزگە دە زاڭناماسىنىڭ تالاپتارىن ساقتاۋعا;
7) الالاماۋعا, ناقتى كانديداتقا, ساياسي پارتياعا ارتىقشىلىق بەرمەۋگە مىندەتتى.
قر سايلاۋ تۋرالى زاڭناماسى بۇزىلعان جاعدايدا بايقاۋشى مەن وزگە دە ادامدار سايلاۋ كوميسسياسىنىڭ جازباشا نىساندا قابىلدانعان دالەلدى شەشىمى بويىنشا داۋىس بەرۋگە ارنالعان ءۇي-جايدان شىعارىلادى. («قر سايلاۋ تۋرالى» كز 39 ب. 2 ت.)
بايقاۋشىلار قر زاڭناماسىن بۇزعان جاعدايدا, ءتيىستى سايلاۋ كوميسسياسى بايقاۋشىنى تىركەۋدىڭ كۇشىن جويۋعا قۇقىلى. («قر سايلاۋ تۋرالى» كز 20-1 ب. 4 ت.)
