حالىقارالىق باسىلىم تۇركى الەمىنە قىزمەت ەتەدى

تۇركى اكادەميا­­سى جارىققا شىعار­­عان «GLOBAL-turk» حا­­لىقارالىق جۋر­­نالىنىڭ تۇساۋى ەلورداداعى بەي­بىت­شىلىك جانە كەلىسىم سارايىندا كەسىلدى. بۇل باسىلىم تۇركىتانۋمەن عانا شەكتەلمەيدى. ول ەۋرازيا كەڭىستىگىندەگى تۇركى الەمىنىڭ وزەكتى ماسەلەلەرىنە قاتىستى تىڭ زەرتتەۋ ماقالالار مەن تۇركى ينتەگراتسياسى تۋرالى تەرەڭ ىزدەنىستەردى دە جاريالاپ تۇرماق. وتكەن ايدىڭ باسىندا تۇركيا­نىڭ بودرۋم قالاسىندا وتكەن تۇركى كەڭەسىنىڭ سامميتىندە اتالعان اكا­دەمياعا تۇركى الەمى ەلدەرىنىڭ ينتەگراتسياسى جولدارىن ايقىنداۋ ءۇشىن باعدارلاما ازىرلەۋ تاپسىرىلعان بولاتىن. سونىمەن قاتار, ەلباسى ن.نازارباەۆ مۇشە ەلدەردىڭ ورتاق اقپاراتتىق كەڭىستىگىن قالىپتاستىرۋ ۇسىنىسىن دا جاساپ ەدى. جارىق كو­رىپ وتىرعان اقپاراتتىق-تالداما­لىق «GLOBAL-turk» جۋرنالى وسى ءمىن­­­دەت­­­تەردى جۇزەگە اسىرۋدى كوز­دەپ وتىر. تۇركى اكادەمياسىنىڭ باسشىسى, تاريح عىلىمدارىنىڭ دوكتورى دارحان قىدىرالىنىڭ ايتۋىنشا, ەكى ايدا ءبىر رەت جارىق كورەتىن بۇل حالىقارالىق باسىلىمعا تۇركى كەڭەسىنە مۇشە ەلدەردىڭ تىلدەرىندە (قازاق, تۇرىك, ازەربايجان جانە قىرعىز), سونىمەن قاتار, اعىلشىن جانە ورىس تىلدەرىندە ماقالالار قابىلدانادى. جۋرنالدىڭ العاشقى سانىندا قازاقستان, گەرمانيا, تۇركيا, وزبەكستان, ازەربايجان ەلدەرى عالىمدارىنىڭ تاريح, ءتۇر­كىتانۋ, ۇلتتىق بولمىس, ورتا ازيا ساياساتى, ەۋرازيا جايى, ءدىن, تاعى باسقا ماسەلەلەرگە قاتىستى سالماقتى دۇنيەلەر جاريالانعان. «ەگەمەن-اقپارات».