ماسەلەن, ەمحانالار مەن باسقا دا مەديتسينالىق ۇيىمدارعا اقپاراتتىق جۇيەلەردى جەتكىزۋشىلەردى تاڭداۋدا بارىنشا ەركىندىك بەرۋ تەتىكتەرى قارالدى. بۇل قانداي دا ءبىر كومپانيانىڭ نارىقتا ۇستەمدىك ەتۋىنىڭ تەحنيكالىق مۇمكىندىكتەرىن شەكتەۋدى بىلدىرەدى. بۇگىنگى تاڭدا مەديتسينالىق مەكەمەلەردىڭ تاڭداۋى شەكتەۋلى, ويتكەنى جەكە كومپانيالار ولارعا جيناقتالعان مالىمەتتەر بازاسىن بەرمەۋگە قۇقىلى, بۇل اۋرۋحانالاردى سول جەتكىزۋشىلەرمەن عانا كەلىسىمشارت جاساۋعا ماجبۇرلەيدى.
سونىمەن قاتار قازىرگى ۋاقىتتا ءتسدياوم دەنساۋلىق ساقتاۋ مينيسترلىگىمەن بىرلەسىپ, eHealth مەملەكەتتىك پلاتفورماسىن قۇرۋ بويىنشا جۇمىستى جالعاستىرىپ جاتقانى, ونىڭ شەڭبەرىندە قاجەتتى مەديتسينالىق مالىمەتتەرى بار پاتسيەنتتەر تۋرالى بىرىڭعاي دەرەكقور قالىپتاستىرۋ جوسپارلانىپ وتىرعانى اتاپ ءوتىلدى.
