قازاقستاندىقتار تەڭگەدەگى دەپوزيتتەرى بويىنشا مەملەكەتتەن 10 پايىزدىق وتەماقى الا باستادى، دەپ حابارلايدى Egemen.kz.
«وتەماقى تولەۋ ءراسىمىنىڭ اياقتالىپ كەلە جاتقانىن قۋانا حابارلايمىز. قازاقستاننىڭ دەپوزيتتەرگە كەپىلدىك بەرۋ قورى 15 ناۋرىزدا بانكتەردەن سالىمشىلاردىڭ اقتىق ءتىزىلىمىن الىپ، ولاردى وپەراتورعا جولدادى. جاقىن كۇندەرى بانكتەر تولەمدەردى تولىق كولەمدە اياقتايدى»، دەدى قدكبق توراعاسىنىڭ ورىنباسارى الماس قۇدايبەرگەنوۆ.
«پروبلەمالىق كرەديتتەر قورى» اق مەن «قازاقستاننىڭ ورنىقتىلىق قورى» اق اقشالاردى بانكتەرگە اۋدارعان. اۋدارىلعان قاراجاتتاردىڭ جالپى سوماسى - 306،6 ميلليارد تەڭگە. ال مەملەكەت تاراپىنان 10 پايىزدىق وتەماقىنى الاتىن سالىمشىلار سانى - 2 ميلليون 615 مىڭ 772 ادام.
قاعيداعا سايكەس، ەكىنشى دەڭگەيلى بانكتەر ەكى جۇمىس كۇنى ىشىندە تيەسىلى وتەماقىعا ءوتىنىش بەرگەن دەپوزيتورلاردىڭ شوتتارىنا اۋدارادى.
ەسكە سالايىق، تەڭگەلىك دەپوزيتتەر بويىنشا 10 پايىزدىق سىيلىقاقى قارجى مينيسترلىگى مەن قازاقستاننىڭ ۇلتتىق بانكىنىڭ قاراجاتتارى ەسەبىنەن تولەنەدى. بانكتەر سىيلىقاقى تولەۋگە وتىنىشتەردى بەس اي بويى – 2022 جىلعى قىركۇيەكتەن 2023 جىلعى اقپانعا دەيىن قابىلدادى. وتىنىشتەردى قابىلداۋ بيىل 10 اقپاندا اياقتالدى.
كەيبىر بانكتەر حابارلاما جىبەرىپ جاتىر.
باتىس قازاقستان وبلىستىق ءماسليحاتىنا كىمدەر سايلاندى؟
سايلاۋ • كەشە
تۇركىستان وبلىستىق ءماسليحاتىنا سايلانعان دەپۋتتار كىم؟
سايلاۋ • كەشە
بىرقاتار وڭىردە اۋا رايىنا بايلانىستى ەسكەرتۋ جاسالدى
اۋا رايى • كەشە
ۇقساس جاڭالىقتار
