مەشىت قىزمەتكەرىن پىشاقتاپ كەتكەن كۇدىكتى ۇستالدى.
«مەشىتتىڭ شارۋاشىلىق جۇمىستارىن جۇرگىزەتىن قىزمەتكەردى سۋىق قارۋمەن جاراقاتتاعان كۇدىكتى ۇستالدى. ول بۇرىن سوتتالعان. قازىر تەرگەۋ جۇمىستارى جۇرگىزىلىپ جاتىر. بولعان وقيعا سەبەپتەرى انىقتالادى», دەپ جازدى اعابەك قونارباي ۇلى.
زارداپ شەككەن ادام اۋرۋحاناعا جەتكىزىلگەن.
«اۋىر جاراقات العان مەشىت قىزمەتكەرى دارىگەرلەردىڭ باقىلاۋىندا. جاعدايى اۋىر. الدىن الا جەتكەن مالىمەتتەر بويىنشا قىلمىستىق وقيعاعا وتباسىلىق قاقتىعىستار, دالىرەك ايتقاندا كۇدىكتى ازامات پەن ونىڭ ايەلى اراسىنداعى داۋ-جانجالدار سەبەپ بولعان», دەلىنگەن جازبادا.
