«قايرات» فۋتبول كومانداسىنىڭ جانكۇيەرلەرى الەۋمەتتىك جەلىدە ويىن كەزىندە ءتارتىپ ساقشىلارى جانكۇيەرلەرگە قىسىم جاساعانىن جازدى.
«بۇگىن الماتى قالاسىندا وتكەن قايرات-كاسپي كوماندالارى اراسىنداعى ماتچتا ءتارتىپ ساقشىلارى مەن ارنايى جاساق تاراپىنان ماتچ كەزىندە جانكۇيەرلەرگە قىسىم كورسەتىلدى. ءتارتىپ ساقشىلارى جانكۇيەرلەردى ستاديوننان قۇشپەن شىعارا باستادى. اتالعان وقيعادا جانكۇيەرلەر تاراپىنان ەشقانداي قارسى ارەكەت, قۇقىق بۇزۋشىلىق ورىن العان جوق», دەلىنگەن جازبادا.
الايدا پوليتسيا دەپارتامەنتى فۋتبول جانكۇيەرلەرىنىڭ ءتارتىپ بۇزاعانىن راستادى.
الماتى قالالىق پد حابارلاۋىنشا, ورتالىق ستاديوندا فۋتبول ويىنى كەزىندە ءتارتىپتى قامتاماسىز ەتۋ ماقساتىندا قىزمەت اتقارعان پوليتسەيلەر, ادام كوپ جينالاتىن ورىنداردا پايدالانۋعا تىيىم سالىنعان فايەرلەردى جاعۋ دەرەگى تىركەلگەن.
ارنايى جاساقتىڭ قوعامدىق ءتارتىپتى ودان ءارى بۇزۋدىڭ الدىن الۋ ماقساتىندا جانكۇيەرلەرمەن قۇقىقتىق تۇسىندىرمە اڭگىمە جۇرگىزىلگەنىن ايتىپ, جەلىدەگى جازباعا جاۋاپ بەردى.
