بۇل تۋرالى باعدات مۋسين روسكوسموسقا قاتىستى سۇراققا جاۋاپ بەرگەن كەزىندە ايتتى. مينيستر بۇل ماسەلە بايقوڭىر كەشەنىنىڭ مەنشىگىنە ەمەس, قازاقستان اۋماعىنداعى مەنشىگىنە قاتىستى ەكەنىن ناقتىلادى.
ء«بىر جاعىنان - «بايتەرەك «بك» اق, ەكىنشى جاعىنان - تسەنكي. ولاردىڭ احقو تورەلىك سوتىندا سوت پروتسەستەرى بولدى, ونىڭ قورىتىندىسى بويىنشا احقو بەلگىلى ءبىر شەشىم شىعاردى, ناتيجەسىندە سوت ورىنداۋشىسى قازاقستان زاڭى بويىنشا ءوز ءىس-ارەكەتىن جاسايدى, بۇل بۇكىل «بايقوڭىر» كەشەنىنىڭ مۇلكىنە جانە ت.ب. قاتىستى ەمەس, بۇل تسەنكي-گە, ونىڭ قازاقستان اۋماعىنداعى مۇلكىنە قاتىستى», دەپ ءتۇسىندىردى مۋسين ۇكىمەت كۋلۋارىندا.
باعدات مۋسين ماسەلەنىڭ شەشۋ جولدارىن قاراستىرىپ جاتقانىن اتاپ ءوتتى.
«بۇل شەشىم قابىلداندى, بولدى دەگەندى بىلدىرمەيدى. بەلگىلى ءبىر سوت پروتسەستەرى ودان ءارى جالعاسادى. جانە مەنىڭ ويىمشا, سوت ورگاندارى دۇرىس شەشىم شىعارادى. سوت شەشىمى شىقتى, بىراق ودان ءارى پروتسەستەر جالعاسادى, مەنىڭ بىلۋىمشە, قازىر تسەنكي باسشىلىعى قازاقستاندا, ولار كومپانيامەن كەلىسسوزدەر جۇرگىزىپ جاتىر جانە احقو سوتى دەڭگەيىندەگى پروتسەدۋرالاردى جالعاستىرۋ كەرەك», دەپ اتاپ ءوتتى مينيستر.
