ەلىمىز ەلەكتروندىق ۇكىمەتتى دامىتۋدا الەم بويىنشا 28-ورىندى يەلەندى

استانا. 26 ماۋسىم. بىرىككەن ۇلتتار ۇيىمىنىڭ ەلەكتروندىق ۇكىمەتتى دامىتۋ جونىندەگى رەيتينگىسىندە ەلىمىز 193 مەملەكەتتىڭ اراسىنان 28-ءشى ساتىعا جايعاستى. بۇل تۋرالى primeminister.kz حابارلادى. بۇعان دەيىن ءبىزدىڭ ەل اتالعان رەيتينگ بويىنشا 38-ءشى ورىندا تۇرعان ەدى. حابارلامادا كورسەتىلگەندەي, بۇگىنگى كۇنى رەسپۋبليكا تۇرعىندارىنىڭ كومپيۋتەرلىك ساۋاتتىلىق كورسەتكىشى 63,2 پايىزدى قۇراسا, كەڭ جولاقتى ينتەرنەتكە قولجەتىمدىلىك دەڭگەيى 67,6 پايىزعا وسكەن. سوڭعى دەرەكتەرگە قاراعاندا, تۇرعىندار ەلەكتروندىق ۇكىمەت پورتالى ارقىلى 570 قىزمەت پەن سەرۆيستەردى پايدالانا الادى. بۇعان قوسا, كۇن سايىن ۇكىمەت پورتالىنا ورتاشا ەسەپپەن 43 مىڭ قولدانۋشى كىرەدى. تاعى ءبىر ايتا كەتەر ءجايت, قازىرگى تاڭدا ەلەكتروندىق ۇكىمەتتى دامىتۋدىڭ كەزەكتى كەزەڭىن ىسكە اسىرۋ ماقساتىندا قىزمەتتەر مەن سەرۆيستەردى ءموبيلدى قۇرىلعىلار ارقىلى الۋعا مۇمكىندىك بەرەتىن ءموبيلدى ۇكىمەتتى ەنگىزۋ جۇمىستارى جۇرگىزىلۋدە. جولدىباي بازار. دەرەككوز: primeminister.kz. فوتو: ortcom.kz.