جوعارىدا اتالعان جوسپاردىڭ نەگىزىندە 30 مىڭنان استام ادامدى «2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباسى» اياسىندا بيىل جۇمىسقا ورنالاستىرۋ كوزدەلىپ وتىر. حالىقتىڭ ءال-اۋقاتى ارتسا, بۇل – البەتتە ءبىرىنشى كەزەكتە تۇراقتى جۇمىس ورنىنان تاپقان تابىسىنىڭ ناتيجەسى. ال الەۋمەتتىك جاعدايدىڭ جاقسارۋىنا ىقپال ەتەتىن فاكتور ارقاشان ۇلتتىق ەكونوميكانىڭ وڭ ديناميكاسى بولىپ قالا بەرەدى.
ايتقانداي, سول «ەكى قولعا – ءبىر كۇرەك» ىزدەگەن 57 181 ازاماتتىڭ 42 714-ءى تۇراقتى, 6 617-ءسى ۋاقىتشا جۇمىس ورىندارىنا ورنالاستىرىلادى. بۇدان بولەك, وڭىرلەردە «جۇمىس بەرۋشىلەردىڭ سۇراتۋى بويىنشا وقۋ ۇيىمدارىندا جۇمىسسىزداردى كاسىپتىك وقىتۋدى ۇيىمداستىرۋ» باعدارلاماسى جۇزەگە اسىپ كەلەدى. بيىل وسى اتالعان باعدارلاما اياسىندا تۇراقتى جۇمىسقا ىلىگە الماي جۇرگەن 1 671 كىسىنى كاسىپتىك ماماندىققا وقىتۋ جوسپارلانىپ وتىر.
ال شىمكەنت قالالىق جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ماقسات جولداسبەكوۆتىڭ مالىمدەۋىنشە, ەڭبەك نارىعىندا سۇرانىسقا يە كاسىپتىك ماماندىقتارعا وقىتۋ باسقارمانىڭ ماڭىزدى قادامدارىنىڭ بىرىنە كىرەدى. وسى باستامانىڭ اياسىندا وتكەن جىلى قالانىڭ 2 400 تۇرعىنى قىسقا مەرزىمدى وقۋ كۋرستارىنان ءوتىپتى. بۇل يگى ءىس-شارانىڭ كوزدەگەن باستى ماقساتى ەلىمىزدە جۇمىسسىزدار سانىن ازايتۋ بولىپ وتىر. سونىمەن بىرگە بۇگىنگى تاڭدا قوعامنىڭ وزەكتى پروبلەماسىنا اينالعان كاسىپورىندارداعى كادر تاپشىلىعى ماسەلەسىن تۇبەگەيلى شەشۋگە سەپتىگىن تيگىزبەك.
تاعى ءبىر ماڭىزدى جاڭالىقتىڭ ءبىرى – بيىلدان باستاپ «وتباسىنىڭ تسيفرلىق كارتاسى» ۇلتتىق جوباسى ىسكە قوسىلدى. بۇدان بىلاي تۇرعىندارعا الەۋمەتتىك حال-احۋالىنا قاراي مەملەكەتتىك قىزمەتتەردى ۇسىنۋ SMS حابارلامالار ارقىلى ىسكە اسادى. ايتالىق جاڭا جۇيەگە سايكەس اتاۋلى الەۋمەتتىك كومەك الۋشىلاردىڭ حالىقتى جۇمىسپەن قامتۋ ورتالىعىنا قۇجات تاپسىرىپ اۋرە بولمايدى. ويتكەنى ۇيالى تەلەفونعا كەلىپ تۇسكەن SMS حابارلاماعا جولدانعان جاۋاپ جەتكىلىكتى. سونىڭ كومەگىمەن ااك الۋشىنىڭ ءوتىنىمى قابىلدانىپ, ارنايى كوميسسيانىڭ تەكسەرۋىنە جىبەرىلەدى. ءارى قاراي كوميسسيا شەشىمىمەن جاردەماقى تاعايىندالادى.
