كاسىپكەردىڭ ايتۋىنشا, كومپوست – قۇرامىندا وسىمدىكتىڭ دامۋى مەن وسۋىنە قاجەتتى بارلىق مينەرال كەزدەسەتىن قۇنارلى ءارى قولجەتىمدى ورگانيكالىق تىڭايتقىشتاردىڭ ءبىرى. ول توپىراقتاعى ىلعالدى ساقتاپ, وسىمدىكتەردى سۋارۋعا جۇمسالاتىن سۋدى 40 پايىزعا دەيىن ازايتادى, وسىمدىكتەردىڭ يممۋندىق جۇيەسىن نىعايتىپ, ءارتۇرلى ۆيرۋستىق اۋرۋلار مەن اعاش زيانكەستەرىنەن قورعايدى.
جەكە كاسىپكەردىڭ نەگىزگى ماقساتى – ءوڭىردى جاسىل ايماققا اينالدىرۋعا ۇلەس قوسۋ, جەرگىلىكتى باۋ-باقشادا وسكەن تابيعي ونىمدەردى پايدالانۋ. كاسىپكەر الداعى ۋاقىتتا تابيعي تىڭايتقىش – كومپوست ءونىمىن كوبەيتىپ, باسقۇدىق اۋىلدىق وكرۋگىندە ورنالاسقان ەگىستىك بازارىنداعى كاسىپكەرلەرمەن كەلىسىم شارتقا وتىرىپ, نارىققا شىعارۋدى جوسپارلاۋدا.
ماڭعىستاۋ جەرى ءتىلى مەن بابىن تاپقان جانعا كول-كوسىر ءونىم بەرە الاتىندىعى دالەلدەنىپ كەلەدى. گ.قۇرمانيازوۆانىڭ مينەرالدى تىڭايتقىش ءوندىرۋى وسى باعىتتاعى جۇمىستارعا ۇلكەن قولداۋ. «الىستان اربالاعانشا جاقىننان دوربالا» دەگەندەي, تىڭايتقىش تا وزىمىزدەن دايىندالاتىن بولسا ماڭعىستاۋدا ەگىن ەگۋ ءىسى دامي تۇسەرى داۋسىز.
ماڭعىستاۋ وبلىسى
