شەت مەملەكەتتەردەگى قازاقستان رەسپۋبليكاسىنىڭ وكىلدىكتەرى جانىنداعى سايلاۋ ۋچاسكەلەرى بويىنشا سايلاۋشىلار تىزىمدەردە ءتيىستى شەت مەملەكەتتەردە تۇراتىن نەمەسە ۇزاق مەرزىمدى شەتەلدىك ءىس-ساپاردا جۇرگەن سونداي-اق شەت مەملەكەتكە جەكە شاقىرۋ بويىنشا قىزمەتتىك-ىسكەرلىك جانە تۋريستىك ساپارعا كەلگەن بارلىق ازامات ۋچاسكەلىك سايلاۋ كوميسسياسىنا ءوتىنىش جاساعان جاعدايدا جانە ولاردىڭ قر ازاماتى دەگەن جارامدى پاسپورتى بولسا ەنگىزىلەدى. شەت مەملەكەتتەردەگى سايلاۋ ۋچاسكەلەرىندەگى سايلاۋشىلار بىرىڭعاي جالپى ۇلتتىق سايلاۋ وكرۋگى بويىنشا داۋىس بەرەدى.
ەگەر تىزىمگە ەنگىزىلگەن سايلاۋشىلاردىڭ ءبارى داۋىس بەرسە ۋچاسكەلىك سايلاۋ كوميسسياسى داۋىس بەرۋ ءراسىمىن مەرزىمىنەن بۇرىن اياقتاي الادى.
شەت مەملەكەتتەردەگى قازاقستان رەسپۋبليكاسىنىڭ وكىلدىكتەرى جانىنداعى ۋچاسكەلەرىنىڭ تىزىمىمەن ءسىم جانە وسك ينتەرنەت رەسۋرستارىندا تانىسۋعا بولادى.
