«اقتوبە» ءوز الاڭىندا «وقجەتپەستى» قابىلدادى. ەسەپ – 5:1. بۇل گولداردىڭ اۆتورلارى – الىبەك قاسىم (26 مينۋت, پەنالتيدەن), ماكسيم سامورودوۆ (41), سامورودوۆ (45+3, پەنالتيدەن), يدريس ۋماەۆ (75) جانە ەسكەندىر قىبىرباي (88). «شاحتەر» استانادا «ورداباسىدان» 1:4 ەسەبىمەن ويسىراي ۇتىلدى. العاشقى ءۇش گولدى گافۋرجان سۇيىمباەۆ (3), اسحات تاعىبەرگەن (59) جانە مامادۋ مبودج (67) سوقتى. 71-مينۋتتا ايدوس تاتتىباەۆ ەسەپ ايىرماشىلىعىن قىسقارتقانىمەن, باسەكەنىڭ اياقتالۋىنا شامامەن 10 مينۋتتاي ۋاقىت قالعاندا شوحبوز وماروۆ ماتچتىڭ سوڭعى نۇكتەسىن قويدى. «قايرات» سىرت الاڭدا «اقسۋدان» 3:1 ەسەبىمەن ايلاسىن اسىردى. الماتىلىقتار ساپىنان ارتۋر شۋشەناچەۆ (39), جواو پاۋلو (75) جانە ەركەبۇلان سەيداحمەت (88) مەرگەندىك تانىتسا, اقسۋلىقتار اراسىنان ميراس تۇرلىبەك (82) نىسانانى ءدال كوزدەدى.
ال قالعان كەزدەسۋلەر مىناداي ناتيجەلەرمەن اياقتالدى: «كاسپي» – «توبىل» 0:1, «اتىراۋ» – «قايسار» 2:1, «قىزىلجار» – «ماقتاارال» 1:0 جانە «جەتىسۋ» – «استانا» 0:2.
