«قازگيدرومەت» رمك مالىمەتتەرى بويىنشا تاسقالا اۋدانىنىڭ تاسقالا اۋىلىنداعى «دەرقۇل-تاسقالا» گيدروبەكەتىندە 11 ناۋرىز كۇنى تاڭەرتەڭ دەرقۇل وزەنىندەگى سۋ دەڭگەيى 544 سم قۇرادى, تەك ءبىر تاۋلىك ىشىندە سۋدىڭ دەڭگەيى 158 سم-گە كوتەرىلدى. شەجىن-2 اۋىلىندا شەجىن-2 وزەنىندەگى سۋ دەڭگەيى 799 سم قۇرايدى.
تج مينيسترلىگى تاسقالا اۋدانىنىڭ 2 ەلدى مەكەنى جانە بايتەرەك اۋدانىنداعى 8 ەلدى مەكەن ىقتيمال سۋ باسۋ ايماعىندا تۇرعانىن حابارلادى.
جەرگىلىكتى جەرلەردە اكىمدىكتەر مەن تجد قاتارىنان كەزەكشىلىك ۇيىمداستىرىلدى. تۇراقتى نەگىزدە سۋ ايدىندارىنا مونيتورينگ جۇرگىزىلۋدە.
وبلىس اكىمىنىڭ ورىنباسارى ە.ت. بالتاەۆتىڭ باسشىلىعىمەن وبلىستىق تج جونىندەگى كوميسسيانىڭ شۇعىل وتىرىسى ءوتتى.
تاسقىننىڭ الدىن الۋ ءۇشىن ارنايى تەحنيكالار ەلدە مەكەندەرگە جەتكىزىلدى.
اۋا تەمپەراتۋراسى كۇندىز 2-دەن 8 گرادۋسقا دەيىن جىلى, تۇندە 0-دەن 5-كە دەيىن اياز. دەرقۇل وزەنىندەگى مۇزدىڭ قالىڭدىعى 90 سم.
توپىراقتىڭ قاتۋى 115 سم قۇرايدى, قار تەز ەرىگەن جاعدايدا قار سۋىنىڭ جەرگە ءسىڭىپ ۇلگەرمەۋ قاۋپى بار.
