بەس قاباتتى ۇيلەردىڭ بىرىندە پاتەر ورتەنىپ كەتتى. قۇتقارۋشىلاردىڭ ايتۋىنشا, ءورت سوندىرۋشىلەر حابار تۇسكەننەن كەيىن وقيعا ورنىنا التى مينۋتتا جەتكەن.
ءورت 40 شارشى مەتر اۋماقتى شارپىپ, زاتتار مەن جيھازدار ورتەنىپ كەتكەن. سونداي-اق زەينەتكەردىڭ ءمايىتى تابىلعان.
پوليتسيانىڭ مالىمەتىنشە, ول ادام الكوگوليزم بويىنشا ەسەپتە بولعان.
- ءورتتى سوندىرۋگە جەتى ادام مەن ەكى تەحنيكا جۇمىلدىرىلدى, - دەپ حابارلادى تج باسقارماسى.
ءورت ءبىر ساعاتتا ءسوندىرىلدى. باسقا زارداپ شەككەن ادام جوق.
ءورتتىڭ سەبەبى ءالى بەلگىسىز, ساراپتامالار جۇرگىزىلۋدە.
