حابارلامادا كورسەتىلگەندەي, 2013 جىلدىڭ 24 جەلتوقسانىندا اقمولا وبلىسى ساندىقتاۋ اۋدانىنداعى «حلەبنوە» اۋىلىندا ا.ۆ.گرين, ن.ا.ۆاسيلەۆ جانە ك.ت.ق ۇلىباەۆ ۇشەۋى اراق ىشەدى. سودان, ىشىمدىككە تويعان ۇشەۋدىڭ اراسىندا جانجال تۋىپ, ا.ۆ.گرين مەن ن.ا.ۆاسيلەۆ ءۇي يەسى ك.ت.ق ۇلىباەۆتى جۇدىرىقتاي جونەلەدى. وسى كەزدە ءۇي ىشىنە ك.ت.ق ۇلىباەۆتىڭ دوسى ا.ك.سەيتەنوۆ كىرىپ كەلەدى. ول بىردەن جاعا جىرتىسىپ جاتقانداردى سابىرعا شاقىرىپ, اجىراتپاق بولادى.
وسى كەزدە ابدەن قىزىپ العان ا.ۆ.گرين مەن ن.ا.ۆاسيلەۆ ءۇي يەسىن قويىپ, ا.ك.سەيتەنوۆتىڭ جاعاسىنان جارماسىپ, ونىڭ ءوزىن سوققىعا جىعادى. سودان كەيىن, ابدەن ەستەن ايىرىلعان ن.ا. ۆاسيلەۆ ا.ك. سەيتەنوۆتىڭ تۋ سىرتىنان كەلىپ, كەڭىردەگىن پىشاقپەن ورىپ جىبەرىپ, كەۋدەسىنە بىرنەشە رەت سۇعادى. ءىستى بولعاندار مۇنىمەن شەكتەلمەي, ء وز قىلمىستارىن جاسىرۋ ماقساتىندا ءۇي يەسى ك.ت.ق ۇلىباەۆتى دا باۋىزداپ ولتىرەدى. سوسىن بارىپ, وقيعا ورىن العان ۇيگە وت قويادى. بىراق ۇستىنە گاز باللون قويىلىپ, استىنان وت جاعىلعان پەش وزىنەن ءوزى ءسونىپ قالادى. وسىلايشا, بۇل قىلمىستىق وقيعانىڭ جەدەل اشىلۋىنا سەبەپكەر بولادى. وسى قىلمىستىق وقيعاعا قاتىستى جۇرگىزىلگەن سوت پروتسەسى بويىنشا ايىپكەرلەر: ا.ۆ.گرين 21 جىلعا, ن.ا.ۆاسيلەۆ 22 جىلعا سوتتالدى.
جولدىباي بازار.
دەرەككوز: «قازاقپارات». فوتو: aktobegazeti.kz.
