ءتيىمدى جوبالار بىراقاتار اۋىل شارۋاشىلىعى ونىمدەرىنىڭ يمپورتىن ازايتادى

استانا. 25 ماۋسىم. ينۆەستيتسيالىق جوبالاردى ىسكە اسىرۋ اۋىل شارۋاشىلىعى سالاسىنا قاتىستى بىرقاتار ونىمدەردىڭ يمپورتىن تومەندەتۋگە مۇمكىندىك بەرەدى. ورتالىق كوممۋنيكاتسيالار قىزمەتىندە وتكەن بريفينگتە «قازاگرو» ۇلتتىق باسقارۋشى حولدينگى» اكتسيونەرلىك قوعامىنىڭ باسقارما توراعاسى دۋلات ايتجانوۆ وسىلاي دەدى. بۇل تۋرالى primeminister.kz حابارلادى. دۋلات ايتجانوۆتىڭ ايتۋىنشا, بۇگىندە حولدينگتىڭ ينۆەستيتسيالىق پورتفەلىندە جالپى قۇنى 263 ملرد. تەڭگە بولاتىن 417 جوبا بار. ال جالپى قۇنى 198 ملرد. تەڭگەنى قۇرايتىن 310 جوبا پايدالانۋعا بەرىلگەن. سونىڭ ناتيجەسىندە 11 مىڭ جۇمىس ورنى قۇرىلعان. بيىل تاعى دا 68 جوبانى ىسكە قوسۋ جوسپارلانعان. بۇل جوبالاردىڭ 20-سى 1-ءشى جارتىجىلدىقتا ىسكە كىرىسكەن. دۋلات ايتجانوۆ: ««قازاگرونىڭ» 1 جوباcىنىڭ ءوزى تولىقتاي ىسكە اسسا تاۋىق ەتى يمپورتىنىڭ كولەمى 20 پايىزعا, ءسۇت جانە ءسۇت ونىمدەرى يمپورتى 6 پايىزعا, جەمىس-جيدەك ونىمدەرىنىڭ يمپورتى 4 پايىزعا تومەندەيتىن بولادى», – دەدى. بۇدان بولەك, «قازاگرو» ۇلتتىق باسقارۋشى حولدينگى» اكتسيونەرلىك قوعامىنىڭ باسقارما توراعاسى 2020 جىلعا دەيىن سىيىمدىلىعى 1404,5 مىڭ تونناعا جەتەتىن استىق ساقتايتىن ورىن سالۋ كوزدەلىپ وتىرعانىن, سونداي-اق, بيىلعى جىلى 2000 توننا ەت پەن ەت ونىمدەرىن, 375 توننا ءجۇن مەن جۇننەن جاسالعان بۇيىمداردى ەكسپورتتاۋ جوسپاردا بار ەكەنىن جەتكىزدى. جولدىباي بازار. دەرەككوز: primeminister.kz. فوتو: Strategy2050.kz.