بەس باعىت بويىنشا وتكەن كونكۋرسقا ديرەكتور, ديرەكتور ورىنباسارلارى, پەداگوگتەر, مەكتەپكە دەيىنگى ۇيىم تاربيەشىلەرى مەن ادىسكەر, مۋزىكا قىزمەتكەرلەرى, ءبىلىم بەرۋ پەداگوگتەرى, سىنىپ جەتەكشىلەرى, پسيحولوگ, لوگوپەدتەر, دارىندى بالالارمەن جۇمىس جاسايتىن وڭىرلىك ورتالىقتاردىڭ ادىسكەرلەرى قاتىستى. ولار ءوز تاجىريبەسىندە پايدالاناتىن ۇشقىر يدەيالاردى ۇسىندى.
«فەستيۆالدىڭ باعىتى كوممۋنيكاتيۆتىك جانە باسقا دا قۇزىرەتتىلىك تۇرلەرىن دامىتۋ, ۇتقىر ءبىلىم بەرۋ ورتاسىندا ءتيىمدى جۇمىس ىستەۋ ءۇشىن باسشىلار مەن پەداگوگتەردىڭ شىعارماشىلىق مۇمكىندىكتەرىن اشۋ, وقىتۋ ادىستەمەسى مەن تەحنولوگيالارىن جەتىلدىرۋ, تاجىريبە الماسۋ, مۇعالىم ماماندىعىنىڭ مارتەبەسىن ارتتىرۋ, زاماناۋي مەكتەپتىڭ كادرلىق الەۋەتىن قولداۋ», دەيدى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى عادجەمبەك تۇرسىنوۆ.
قازىلار القاسىنىڭ شەشىمىمەن 95 پەداگوگ جەڭىمپاز اتاندى. جۇلدەگەرلەر مەن ەرەكشە جەتىستىكتەرى ءۇشىن تاعى 56 پەداگوگ ماراپاتتالدى.
