وبلىستىق ستاتيستيكا دەپارتامەنتىنىڭ مالىمەتىنە سۇيەنسەك, بيىلعى قاڭتاردا بىلتىرعى جەلتوقسانمەن سالىستىرعاندا, ازىق-ت ۇلىك تاۋارلارىنىڭ باعاسى – 1,1%, ال ازىق-ت ۇلىك ەمەس تاۋارلار 0,8%, اقىلى قىزمەتتەر 0,1%-عا قىمباتتاعان. ماسەلەن, قاڭتار ايىندا جوعارى سۇرىپتى بيداي ءۇشىن ورتاشا باعا ءوسىمى 6,1%-عا جەتكەن. ال كۇندەلىكتى تۇتىناتىن جەمىستەر مەن كوكونىستەر – 3,2%, كۇرىش – 2,9%, جۇمىرتقا – 2,5%, جارمالار – 1,9%, ماكارون ونىمدەرى – 1,4%, ماي جانە توڭ مايدىڭ باعاسى 1,2%-عا جوعارىلاعانى بايقالىپ وتىر. ءسۇت – 0,8%, كونديتەرلىك تاعامدار مەن ەت – 0,5%, بالىق جانە تەڭىز ونىمدەرى – 0,4%, الكوگولدى ىشىمدىكتەر – 0,3%, تەمەكى باعاسى 0,2%-عا وسكەن.
جىلدىڭ العاشقى ايىندا وزگە دە تاۋارلاردىڭ باعاسى قىمباتتاعانى اڭعارىلادى. ماسەلەن, جۋعىش جانە تازالاعىش قۇرالدارى – 1,4%, جەكە گيگيەنالىق ماقساتتا قولداناتىن تاۋارلار – 1,3%, كيىم جانە اياقكيىم تۇرلەرى – 0,8%, فارماتسەۆتيكالىق ونىمدەر 0,6%-عا قىمباتتاپ شىعا كەلگەن. سونداي-اق جولاۋشىلار كولىگىنىڭ قىزمەتى – 1,3%, امبۋلاتوريالىق قىزمەت قۇنى 0,4%-عا جوعارىلاعان.
وبلىستىق كاسىپكەرلىك جانە تۋريزم باسقارماسىنىڭ باسشىسى نۇربول جاڭابەكوۆتىڭ مالىمەتىنشە, دەلدالدىق قىزمەتپەن اينالىساتىن كاسىپكەرلەر الەۋمەتتىك ماڭىزى بار ازىق-ت ۇلىكتىڭ قىمباتتاۋىنا سەبەپ بولىپ وتىر. ول مۇنداي دالەلدى دەرەكتى ارنايى كوميسسيانىڭ ازىق-ت ۇلىك ونىمدەرىن ساتۋدىڭ دەلدالدىق تىزبەگىن انىقتاۋ ماقساتىندا وتكىزگەن وتىرىسىنان كەيىن ءمالىم ەتتى.
– كوميسسيا وتىرىستارىنىڭ ناتيجەسىندە دۇكەندەرگە الەۋمەتتىك ماڭىزى بار سارى ماي, تاۋىق ەتى مەن ءسۇت ونىمدەرىن جەتكىزەتىن دەلدالدار ۇستەمە باعانى 15%-دان اسىرىپ جىبەرگەنى انىقتالدى. كەيبىر كاسىپكەرلەر سارى مايدىڭ باعاسىنا 82% ۇستەمە باعا قوسىپ, سۋپەرماركەت جەلىلەرىنە جەتكىزگەن. كاسىپكەرلىك سۋبەكتىسى سانالاتىن دەلدالمەن اقپاراتتىق-ءتۇسىندىرۋ جۇمىسى جۇرگىزىلدى, دەيدى ن.جاڭابەكوۆ.
ال بىلتىرعى قاراشا-جەلتوقسان ايلارىندا وبلىستا تۇز باعاسى كۇرت ءوسىپ, 60 تەڭگەدەن 76 تەڭگەگە دەيىن جەتتى. بۇل ءونىمدى شەتەلدەن جانە باسقا وڭىرلەردەن تاسىمالداۋشىلار باعانىڭ وسكەنىن لوگيستيكالىق شىعىننىڭ كوپتىگىمەن تۇسىندىرۋگە تىرىسقان. كەيبىر كاسىپكەرلەر ءتۇرلى سىلتاۋمەن ازىق-ت ۇلىك باعاسىن قولدان قىمباتتاتاتىنى جاسىرىن ەمەس. الايدا قازىر ساۋدا نىساندارىندا ايتارلىقتاي لوگيستيكالىق شىعىنداردى تالاپ ەتپەيتىن جەرگىلىكتى تۇز ورتا ەسەپپەن 47-55 تەڭگەدەن ساتىلىپ جاتىر.
– ازىق-ت ۇلىك باعاسىن نەگىزسىز وسىرگەن دەلدالدارعا, جالپى قۇقىق بۇزعان ادامدارعا ەسكەرتۋ بەرىلدى. مۇنداي جايت قايتالاناتىن بولسا, ءتيىستى زاڭدىلىققا سايكەس ايىپپۇل سالىنادى. الەۋمەتتىك ماڭىزى بار ازىق-ت ۇلىكتەردىڭ باعاسىنا قوسىلاتىن ۇستەمە 15%-دان اسپاۋعا ءتيىس. ەگەر ۇستەمە باعا بۇل شەكتەن اساتىن بولسا, وندا وعان جاۋاپتى تۇلعا «ساۋدا قىزمەتىن رەتتەۋ تۋرالى» زاڭىنىڭ 9-بابىنىڭ 2-تارماعىنا سايكەس جاۋاپقا تارتىلادى, دەپ مالىمدەدى ن.جاڭابەكوۆ.
اتىراۋ وبلىسى
