بىرلەسە قىزمەت ەتەدى

كەشە باس پروكۋراتۋرادا باس پروكۋرور اسحات داۋىلباەۆ پەن ۇلتتىق كاسىپكەرلەر پالاتاسى تورالقاسىنىڭ توراعاسى تيمۋر ق ۇلىباەۆتىڭ قاتىسۋىمەن كەڭەس ءوتتى. وندا بىلتىرعى جىلدىڭ ايا­عىندا باس پروكۋراتۋرا مەن كاسىپ­كەرلەر پالاتاسىنىڭ اراسىندا قول قويىلعان ىنتىماق­تاس­تىق جونىندەگى مەموراندۋم شەڭبەرىندەگى بىرلەسكەن جۇمىس­­تىڭ العاشقى ناتيجەلەرى قورىتىن­دىلانىپ, ودان ءارى ءوزارا ارەكەت­تەسۋدىڭ باسىم باعىتتارى تالقىلاندى. اسحات داۋىلباەۆ ءوزارا كەلى­سىم مەن پروكۋراتۋرا ورگان­دارى­نىڭ كۇش-جىگەرى بيزنەس قاۋىم­داستىقپەن بىرىگۋى ارقاسىندا كاسىپكەرلىكتىڭ دامۋى جانە ءارى قاراي ورىستەي تۇسۋدەگى ماڭىزدىلىعىن اتاپ ءوتتى. مۇنداعى باستى ماقسات – كاسىپكەرلىك باستاماشىلىقتى ءجۇ­زەگە اسىرۋ ءۇشىن حالىقتى قو­لاي­لى قۇقىقتىق, ەكونوميكالىق جانە الەۋمەتتىك جاعدايلارمەن قام­تاماسىز ەتۋ. بۇل جۇمىس ناتيجەسىن دە بەرۋدە. مەملەكەت باسشىسىنىڭ كاسىپ­كەر­لىكتى بارىنشا قولداۋ, نەگىز­سىز تەك­سەرۋلەردى قىسقارتۋ جانە مەملەكەتتىك ورگانداردىڭ باقى­لاۋ-قاداعالاۋ قىزمەتىن وڭتاي­لاندىرۋ جونىندەگى تاپ­سىرما­لارىن ءتيىمدى جۇزەگە اسىرۋ وسى سالادا شىنايى ءتارتىپتى قال­پى­­نا كەلتىرۋگە, بيزنەسكە اكىم­شى­لىك قى­سىمدى ايتارلىقتاي تومەن­دە­تۋگە ءمۇم­كىندىك بەردى. تيمۋر ق ۇلىباەۆتىڭ پىكى­رىن­­شە, مەملەكەت بارلىق كەزدە ادال نيەتتى جانە زاڭعا ق ۇلىقتى كاسىپ­كەرلەردىڭ قۇقىقتارىن قورعاۋى قاجەت. ۇلتتىق كاسىپكەرلەر پالا­تا­سى­نىڭ مىندەتى – كاسىپ­كەر­لەرگە ءوز قىز­­مەتتەرىن قۇ­قىق­تىق شەڭبەردە جۇزە­گە اسى­رۋعا, زاڭداردى ورىنداۋ جانە تۇتىنۋشىلاردى سىي­لاۋعا كو­مەك كورسەتۋ بولىپ تابى­لادى. ول كا­سىپكەرلەردىڭ تاۋ­ار­لارى مەن قىز­مەت­تەرىنىڭ قاۋىپ­­سىز­دىگى مەن ساپاسىنا, قوعام الدىن­داعى جاۋاپ­كەر­شىلىگىن سە­زى­نۋگە نەگىزدەلگەن كاسىپكەرلىك ءما­دەنيەتىن ەنگىزۋ قاجەت ەكەنىن اتاپ ءوتتى. ال مەملەكەت باسشىسى اتا­عان شاعىن جانە ورتا كا­سىپكەر­لىك سۋبەكتىلەرىن تەكسەرۋگە مورا­توريدى جۇزەگە اسى­رۋ ماسەلەلەرى پروكۋراتۋرا ورگاندارىنىڭ ەرەكشە باقى­لاۋىندا تۇر. وسىعان وراي باس پروكۋروردىڭ ورىن­­با­سارى اندرەي كراۆ­چەن­كو تىيىم سالۋدىڭ بۇل­جىت­پاي ورىندا­لۋىنا ءتيىستى قا­دا­عالاۋدى قام­تا­ماسىز ەتۋ­دىڭ ماڭىزدىلىعىن اتاپ ءوتتى, سوندىقتان, كاسىپ­كەر­لىك سۋبەك­تىلەرىن ولار­عا كور­سەتى­لىپ وتىرعان مەم­لە­كەت­تىك قول­داۋ­دىڭ ماقساتتارى مەن مىندەت­تەرىن دۇرىس تۇسىنۋگە شا­قىر­دى, دەپ حابارلادى باس پرو­كۋ­را­تۋرانىڭ ءباسپاسوز قىزمەتى.