قازاقستان مەن وزبەكستان پرەزيدەنتتەرى ەكى ەل اراسىنداعى وداقتاستىق قاتىناستاردىڭ قازىرگى جاعدايىن جانە ونى نىعايتۋ پەرسپەكتيۆالارىن ءوزارا سەنىم, دوستىق جانە تاتۋ كورشىلىك رۋحىندا قاراستىردى.
تاراپتار قاسىم-جومارت توقاەۆتىڭ بىلتىر جەلتوقسان ايىندا تاشكەنتكە جاساعان مەملەكەتتىك ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى.
ەكى ەل باسشىلارى ساۋدا-ەكونوميكالىق ىنتىماقتاستىق ماسەلەلەرىنە ەرەكشە نازار اۋداردى. اتاپ ايتقاندا, ءوزارا تاۋار اينالىمىن ارتتىرۋ, ينۆەستيتسيا تارتۋ, ونەركاسىپ, ەنەرگەتيكا, اۋىل شارۋاشىلىعى, كولىك جانە لوگيستيكا سالالارىنداعى قارىم-قاتىناستاردى دامىتۋ پەرسپەكتيۆالارى تۋرالى ءسوز بولدى.
سونىمەن قاتار قاسىم-جومارت توقاەۆ پەن شاۆكات ميرزيوەۆ وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.
