بۇل ءىس بويىنشا الدىن الا تىڭداۋ 7 ناۋرىزدا استانا قالاسىندا وتەدى، دەپ حابارلايدى Egemen.kz.
استانا قالالىق سوتى ءباسپاسوز قىزمەتىنىڭ حابارلاۋىنشا، «SMSBUS» جشس «City Transportation Systems» جشس (بۇرىنعى Astana LRT) ۇستىنەن سوتقا شاعىم تۇسىرگەن.
سونىمەن قاتار استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىنا قاتىستى سوتقا شاعىم ءتۇستى. تالاپكەر سوتتان «استانا قالاسىنىڭ قوعامدىق كولىكتەرىندە جول ءجۇرۋ اقىسىن ەلەكتروندى جيناۋ جۇيەسى مەن ديسپەتچەرلىك جۇيەنى جاڭعىرتۋ» جوباسىن جۇزەگە اسىرۋ بويىنشا سەرىكتەستى انىقتاۋ ءۇشىن جاريالانعان تەندەردى زاڭسىز دەپ تانۋ جانە ونىڭ كۇشىن جويۋدى سۇرايدى.
سوتتىڭ ءباسپاسوز قىزمەتى تالاپ ارىزدىڭ ازىرگە اپك-ءنىڭ 131-بابىنا سايكەس كەلمەيتىنىن، الايدا «SMSBUS» جشس كەمشىلىكتەردى جويۋ ءۇشىن 7 ناۋرىزعا دەيىن ۋاقىتى بار ەكەنىن ءتۇسىندىردى.
2023 جىلدىڭ باسىنان باستاپ «قالالىق كولىك جۇيەلەرى» قوعامدىق كولىكتە تولەم قىزمەتتەرىن كورسەتۋ بويىنشا جەتكىزۋشىنى اۋىستىردى. «SMSBUS» ورنىن «تولەم كيۋ» جشس يەلەندى.
بۇعان دەيىن ەلوردا تۇرعىندارى جول اقىسىن تولەۋ ماسەلەسىنە تاپ بولعان ەدى. ال جاڭا جەتكىزۋشى بۇل قىزمەتتى كورسەتۋگە دايىن ەمەس بولىپ شىقتى.
ەگەمەن قازاقستان • كەشە
تاريحي اتشاباردى قايتا اشقان ازامات
تۇلعا • كەشە
ءادىلدىڭ ونەرى جوعارى باعالاندى
حوككەي • كەشە
سپورت • كەشە
سپورت • كەشە
وقيعا • كەشە
ۇقساس جاڭالىقتار
ونلاين 
