ءمينيستردىڭ ايتۋىنشا, مەملەكەتكە 120 ميلليارد تەڭگە قايتارىلعان جانە ول قاراجات مەكتەپ قۇرىلىسىنا جۇمسالادى.
«قازىر شوتتا 120 ميلليارد تەڭگە تۇر. ءبىز بۇل اقشاعا جوندەۋ جۇمىستارىن قاجەت ەتەتىن مەكتەپتەردى جوندەۋدەن وتكىزەمىز. وسى بويىنشا ءۇش اۋىسىمدى مەكتەپتەردى, ءبىرىنشى كەزەكتە جوندەلۋ كەرەك مەكتەپتەردى جانە جوندەۋ جۇمىستارى تولىق اياقتالماعان مەكتەپتەردى قاراستىرامىز. ءبىز ازىرگە ءبىلىم مينيسترلىگىنەن ارنايى وتىنىمدەردى كۇتىپ وتىرمىز. قازىر وتىنىمدەردى قابىلداۋ پروتسەسى ءجۇرىپ جاتىر. سودان كەيىن ولاردى رەسپۋبليكالىق بيۋدجەت كوميسسياسىنا ۇسىنىپ, اقشانى وڭىرلەرگە جىبەرەمىز», دەدى قارجى ءمينيسترى.
قاسىم-جومارت توقاەۆ 1 قىركۇيەكتە حالىققا جولداۋىندا جەمقور شەنەۋنىكتەردەن الىنعان اقشا مەكتەپ سالۋعا جۇمسالاتىنىن ايتقان.
«مەكتەپ قۇرىلىسى ۇكىمەت پەن اكىمدىكتەردىڭ باستى مىندەتتەرىنىڭ بىرىنە اينالۋى ءتيىس», دەگەن بولاتىن پرەزيدەنت.
