بىرىنشىدەن, تۋريستىك نىسانداردى سالۋ جانە رەكونسترۋكتسيالاۋ ءۇشىن كاسىپكەرلەرگە ونىڭ شىعىندارىنىڭ 10%-ى وتەلەدى. ەكىنشىدەن, جول بويىنداعى سەرۆيس وبەكتىلەرىن (قوناقۇيلەر, جانارماي قۇيۋ بەكەتتەرى, ساۋدا جانە تاماقتانۋ پۋنكتتەرى جانە ت.ب.) سالعان كاسىپكەرلەرگە دە وسى مولشەردە سۋبسيديا قاراستىرىلعان. ۇشىنشىدەن, 8 نەمەسە ودان دا كوپ ورىندىق تۋريستىك اۆتوبۋستاردى ساتىپ الۋ ءۇشىن وتەماقى 25%-دى قۇرايدى. تورتىنشىدەن, تاۋ شاڭعىسى كۋرورتتارىنا ارنالعان جابدىقتاردى ساتىپ الۋ ءۇشىن دە ءدال وسى مولشەردە وتەماقى قاراستىرىلعان. سونداي-اق سانيتارلىق-گيگيەنالىق توراپتاردى ۇستاۋ سۋبسيديالانادى (ايىنا 83 000 تەڭگە). مىسالى, اقمولا وبلىسىنداعى زەرەندى اۋدانىندا 75 ملن تەڭگەگە بالالارعا ارنالعان ساۋىقتىرۋ ورتالىعى قايتا جاڭارتىلىپ جاتىر. كاسىپكەرگە جوبا قۇنىنىڭ 10%-ى وتەلەدى.
اقمولا جانە شىعىس قازاقستان وبلىستارىنىڭ ەكى كاسىپكەرىنە تۋريستىك اۆتوبۋستار ساتىپ العانى ءۇشىن 11 ملن تەڭگە بەرىلەدى. سونداي-اق بيىل ەلىمىز بويىنشا 567 سانيتارلىق-گيگيەنالىق توراپتى ۇستاۋعا ارنالعان شىعىنداردى وتەۋ كوزدەلگەن. ء«تۋريزمدى دامىتۋ بيزنەسپەن بەلسەندى ىنتىماقتاستىقسىز مۇمكىن ەمەس. سوندىقتان ءبىز ەلىمىزدەگى تۋريستىك ينفراقۇرىلىمىن دامىتۋعا ينۆەستيتسيا سالاتىن كاسىپكەرلەرگە قولداۋ كورسەتەمىز. جاڭا تەحنيكانى ساتىپ الۋعا جۇمسالعان شىعىنداردىڭ ءبىر بولىگىن وتەۋ شىنىمەن دە ءىرى جوسپارلاردى ىسكە اسىرۋعا تۇرتكى بولادى. كاسىپكەرگە تەك ءوتىنىم بەرىپ, ءوز جوباسىن ۇسىنۋى كەرەك», دەدى مادەنيەت جانە سپورت ۆيتسە-ءمينيسترى ەرجان ەركىنباەۆ.
