قازاقستاندىق دەلەگاتسيا ساۋد ارابياسى كورولدىگىنىڭ ەنەرگەتيكا ءمينيسترى حانزادا Abdulaziz bin Salman Al-Saud جانە «Saudi Aramco», «SABIC» جانە «ACWA Power» سياقتى ءىرى كومپانيالاردىڭ باسشىلارىمەن كەزدەستى.
كەزدەسۋ بارىسىندا مەملەكەت باسشىسى قاسىم-جومارت توقاەۆتىڭ تاپسىرماسىن ورىنداۋ شەڭبەرىندە قر ەنەرگەتيكا مينيسترلىگى, «سامۇرىق-قازىنا» اق جانە «ACWA Power» اراسىندا جاڭارتىلاتىن ەنەرگيا كوزدەرى (جەك) بويىنشا جوبانى ىسكە اسىرۋ قاعيداتتارى تۋرالى كەلىسىمگە قول قويىلدى.
قول قويىلعان كەلىسىم جەتىسۋ (جوڭعار قاقپاسى) وبلىسىندا جالپى قۋاتى 1 گۆت جەل ەلەكتر ستانتسياسىن دامىتۋعا, قارجىلاندىرۋعا, سالۋعا جانە پايدالانۋعا باعىتتالعان, قۇرىلىستى 2025 جىلى باستاۋ جوسپارلانۋدا.
جوبانى ىسكە اسىرۋ قازاقستاننىڭ «جاسىل» ەكونوميكاعا كوشۋ تۇجىرىمداماسىمەن بەكىتىلگەن نىسانالى ينديكاتورلارعا قول جەتكىزۋگە, جاڭا جۇمىس ورىندارىن قۇرۋعا, قوسىمشا ينۆەستيتسيالار تارتۋعا, سونداي-اق ەلدە «جاسىل» ەلەكتر ەنەرگياسىن ءوندىرۋدى ۇلعايتۋعا مۇمكىندىك بەرەدى دەپ كۇتىلەدى.
سونداي-اق كەزدەسۋ شەڭبەرىندە مۇناي-گاز جانە مۇناي-گاز-حيمياسى جوبالارىن ىسكە اسىرۋ جانە دامىتۋ, ونىڭ ىشىندە جەك-ءتى ودان ءارى دامىتۋ ماسەلەلەرى تالقىلاندى.
كەزدەسۋ قورىتىندىسى بويىنشا تاراپتار ەكى ەل اراسىنداعى ىنتىماقتاستىقتى ودان ءارى دامىتۋ ءۇشىن بىرلەسكەن پەرسپەكتيۆالىق باعىتتاردى ايقىنداي وتىرىپ, ۆەدومستۆوارالىق كەلىسىمگە قول قويۋ مۇمكىندىگىن قاراۋعا ۋاعدالاستى.
