دۇنيەجۇزىلىك ازاماتتىق قورعانىس كۇنىن مەرەكەلەۋ اياسىندا استانا قالاسىنىڭ تج دەپارتامەنتى ە.راحماديەۆ اتىنداعى مەملەكەتتىك اكادەميالىق فيلارمونيا عيماراتىندا سالتاناتتى ءىس-شارا وتكىزدى. سالتاناتتى اشىلۋ راسىمىنە قر تجم ازاماتتىق قورعانىس جانە اسكەري بولىمدەر كوميتەتى توراعاسىنىڭ ورىنباسارى الەكسەي سوۆەتوۆ, استانا قالاسى تجد باستىعى قۋانار بازارباەۆ قاتىستى.
ەلوردانىڭ باس يمامى ەربولات ءجۇسىپوۆ قىزمەتكەرلەردى مەرەكەمەن قۇتتىقتاپ, تۇركياداعى جەر سىلكىنىسىنىڭ سالدارىن جويۋعا قاتىسقان ەلوردالىق قۇتقارۋشىلارعا العىس ءبىلدىردى.
تەحنيكا كورمەسى مەن كورسەتىلىمى, قۇتقارۋ جابدىقتارى مەن تەحنيكالارىن كورسەتۋ, «اق سالاسىنداعى ۇزدىك سۋرەت», «اق سالاسىنداعىداعى ۇزدىك بەينەروليك», «اق سالاسىنداعىداعى ۇزدىك پلاكات», سونداي-اق «دۇنيەجۇزىلىك اق كۇنىن وتكىزۋگە بەلسەندى قاتىسقانى ءۇشىن» نوميناتسيالارى بويىنشا بايقاۋعا قاتىسۋشى جەڭىمپازداردى ماراپاتتاۋ وتكىزىلىپ, ءىس-شارا كونتسەرتتىك باعدارلامامەن اياقتالدى.
ازاماتتىق قورعانىس سوعىس كەزىندە حالىقتى قورعاۋمەن عانا ەمەس, سونىمەن بىرگە ناتيجەسىندە قاراپايىم ادامدار زارداپ شەگۋى مۇمكىن تابيعي جانە تەحنوگەندىك اپاتتار كەزىندە جانە باسقا دا توتەنشە جاعدايلاردان ازاماتتاردى قۇتقارۋمەن اينالىسادى. سونداي-اق وسى وقيعالاردىڭ سالدارىن بولدىرماۋ جانە جويۋمەن عانا ەمەس, وسىنداي جاعدايدا ءوزىن قالاي ۇستاۋ كەرەكتىگى تۋرالى حالىق اراسىندا ءتۇسىندىرۋ جۇمىستارىن جۇرگىزۋمەن دە اينالىسادى. ماسەلەن, 2023 جىلى دەپارتامەنت بازاسىندا ازاماتتىق قورعاۋ سالاسىندا قالانىڭ ءتۇرلى ۇيىمدارىنان 128 تىڭداۋشىعا وقىتۋ ۇيىمداستىرىلدى, سونداي-اق قالا نىساندارىندا 194 وقۋ-جاتتىعۋ جانە ساباقتار وتكىزىلدى.
دۇنيەجۇزىلىك ازاماتتىق قورعانىس كۇنىن مەرەكەلەۋ اياسىندا استانا قالاسىنىڭ تج دەپارتامەنتى حالىقتىڭ (بالالاردىڭ) قاۋىپسىزدىك مادەنيەتىن ارتتىرۋعا, ازاماتتىق قورعانىس تۋرالى ءبىلىمدى ناسيحاتتاۋعا جانە ازاماتتىق قورعاۋ قىزمەتتەرى ورىندايتىن ماڭىزدى مىندەتتەرگە قوعامنىڭ نازارىن اۋدارۋعا باعىتتالعان ءىس-شارالار كەشەنى وتكىزىلەدى. قالانىڭ بارلىق ءورت ءسوندىرۋ بولىمدەرىندە ءورت ءسوندىرۋ تەحنيكاسىن, جابدىقتارى مەن جاراقتارىن كورسەتە وتىرىپ «اشىق ەسىك كۇنى» ۇيىمداستىرىلدى, سونداي-اق ورتا مەكتەپ وقۋشىلارىنىڭ ءورت سوندىرۋشىلەر مەن قۇتقارۋشىلار مۇراجايىنا بارۋى ۇيىمداستىرىلدى. ەلوردا مەكتەپتەرىندە اشىق ساباقتار, فلەش-موبتار, گازقاعار كيۋ, زارداپ شەككەندەردى تاسىمالداۋ, العاشقى مەديتسينالىق كومەك كورسەتۋ, العاشقى ءورت ءسوندىرۋ قۇرالدارىن پايدالانۋ جانە ت.ب. سياقتى سپورتتىق ەستافەتالار ۇيىمداستىرىلدى.
قازىرگى ۋاقىتتا, كۇن سايىن ءارتۇرلى تابيعي جانە تەحنوگەندىك وقيعالار مەن توتەنشە جاعدايلاردىڭ تۋىنداۋ قاۋپى بولعان كەزدە, مۇنداي ءىس-شارالاردى وتكىزۋ وتە وزەكتى. بۇل حالىقتى بەلگىلى ءبىر قيىن جاعدايدا ءوزىن-ءوزى ۇستاۋ ەرەجەلەرىنە ۇيرەتۋگە, ءومىر قاۋىپسىزدىگى سالاسىنداعى مامانداردىڭ ءبىلىمى مەن داعدىلارىن تەكسەرۋگە, كۇشتەر مەن قۇرالداردى قولدانۋ جوسپارلارىن جانە ولاردىڭ تاجىريبەدە تيىمدىلىگىن تەكسەرۋگە, پروبلەمالىق ماسەلەلەردى انىقتاۋعا, جەرگىلىكتى اتقارۋشى ورگاندارمەن بىرلەسىپ, وسى باعىتتىڭ دامۋ ۇردەرىستەرىن تالقىلاۋعا مۇمكىندىك بەرەدى. دۇنيەجۇزىلىك ازاماتتىق قورعانىس كۇنىن مەرەكەلەۋ جونىندەگى بارلىق ءىس-شارالار توتەنشە جاعداي تۋىنداعان كەزدەگى ءىس-ارەكەتتەر بويىنشا حالىقتىڭ حاباردارلىعىن ارتتىرۋعا باعىتتالعان.
