پاۆلودار وبلىسىنىڭ پوليتسەيلەرى ۇيدەن كەتىپ قالعان 8 جاستاعى قىزدى اتا-اناسىنا قايتاردى.
«27 اقپان كۇنى ساعات 21:20-دا ارىپتەسىم ساۋتوۆ باعداتپەن پاۆلودار – ۋسپەنكا اۆتوجولىن پاترۋلدەدىك. جول بويىندا جالعىز جۇرگەن قىزدى بايقادىق. ءبىز ونى تىنىشتاندىرىپ, كولىككە وتىرعىزدىق. ول بالانىڭ 8 جاستا ەكەندىگىن, اتا-اناسىمەن بىرگە ۋسپەن اۋىلىندا تۇراتىنىن انىقتادىق. جاعدايدى ودان ءارى انىقتاۋ ءۇشىن كامەلەتكە تولماعان بالا ۋسپەن اۋدانىنىڭ پوليتسيا بولىمىنە جەتكىزىلدى», دەدى پاۆلودار وبلىسى پد پاترۋلدىك پوليتسيا روتاسى قىزمەتىنىڭ ينسپەكتورى بولات جۇماشەۆ.
اتا-اناسى قىزعا ءۇي تاپسىرماسىن دۇرىس ورىنداماعانى تۋرالى ەسكەرتۋ جاساعان. وسىدان كەيىن اناسى قىزىنا دالاعا شىعىپ, تازا اۋامەن دەم الۋعا كەڭەس بەرگەن. اتا-اناسىنا رەنجىگەن قىز ۇيدەن شىعىپ, پاۆلودار قالاسىنا قاراي بەت العان. قىزىنىڭ ۇيدە جوق ەكەندىگىن اتا-اناسى تەك پوليتسيا قىزمەتكەرلەرىنەن بىلگەن.
«بۇل فاكتى بويىنشا اتا-انالارىمەن وسىنداي فاكتىلەردى بولدىرماۋ تۋرالى پروفيلاكتيكالىق اڭگىمە جۇرگىزىلدى», دەپ اتاپ ءوتتى پوليتسيا وكىلدەرى.
