كەمە كروتون ماڭىنا توقتاۋعا تىرىسقان كەزدە, قاتتى داۋىلدىڭ اسەرىنەن اپاتقا ۇشىراعان.
بورتتا اۋعانستان, پاكىستان, سومالي جانە يراننان كەلە جاتقان ميگرانتتار بولعان. يتالياندىق شەنەۋنىكتەردىڭ ايتۋىنشا, قايتىس بولعانداردىڭ اراسىندا نارەستە بار. وقيعا ورنىنا كەلگەن ىشكى ىستەر ءمينيسترى ماتتەو پيانتەدوزي 30-عا جۋىق ادامنىڭ جوعالىپ كەتكەنىن ايتتى.
قازا تاپقانداردىڭ ءمايىتى كالابريا ايماعىنا جاقىن ماڭداعى تەڭىز كۋرورتى جاعاجايىنان تابىلدى. جاعالاۋ كۇزەتشىلەرى 80 ادامنىڭ امان-ەسەن تابىلعانىن حابارلادى. ميگرانتتار تۇركيادان يتالياعا باعىت العان. كەمە داۋىلدى اۋا-رايىنىڭ كەسىرىنەن جارتاسقا سوعىلىپ, سۋعا باتىپ كەتكەن. الەۋمەتتىك جەلىدە تاراعان بەينەجازبادان كەمەنىڭ سىنىقتارىن كورۋگە بولادى. 
قازىرگى ۋاقىتتا ىزدەۋ-قۇتقارۋ جۇمىستارى ءجۇرىپ جاتىر.
«كەمەدە 200 ادام بولعان بولۋى مۇمكىن. 60 ادام ءالى تابىلعان جوق», دەيدى قۇتقارۋشىلار.
