قارىز الۋشىلار ورتالىققا قانداي ماسەلە بويىنشا ءوتىنىش بەرە الادى؟
- مقۇ الدىنداعى بەرەشەكتى قايتا قۇرىلىمداۋ كەزىندە تەگىن جانە جەدەل جاردەم الۋ ءۇشىن (تولەمدى كەيىنگە قالدىرۋ مۇمكىندىگىن, وتەۋدىڭ جاڭا كەستەسىن الۋ جانە ت.ب.);
- مقۇ كليەنتپەن كەزدەسۋگە بارۋدان باس تارتسا, وتىنىشىنە مۇلدەم جاۋاپ بەرمەسە;
- مقۇ قىزمەتكەرلەرى زاڭنامانى بۇزسا, كليەنتتى قورلاپ, ادەپسىزدىك تانىتسا شاعىمدانۋعا نەمەسە ءوتىنىش جازۋعا بولادى.
ءوز كەزەگىندە ومبۋدسمەن ميكروقارجى ۇيىمى مەن قارىز الۋشى اراسىنداعى ميكروكرەديت بەرۋ تۋرالى شارتتان تۋىندايتىن داۋلاردى رەتتەۋگە كومەكتەسەدى.
ومبۋدسمەننەن كومەك سۇراماس بۇرىن نە ىستەۋ كەرەك؟
الدىمەن نەسيە بەرۋشىمەن داۋلى ماسەلەنى ءوز بەتىنشە رەتتەۋگە باعىتتالعان شارالاردى قولعا الۋ قاجەت. ول ءۇشىن جازباشا نەمەسە ەلەكتروندى تۇردە جازىلعان وتىنىشپەن ميكروقارجى ۇيىمىنا حابارلاسۋدى ۇمىتپاڭىز. مقۇ كۇنتىزبەلىك 15 كۇن ىشىندە ءوتىنىشىڭىزدى قاراپ, وعان جاۋاپ بەرۋگە مىندەتتى. ەگەر ورتاق مامىلەگە كەلە الماساڭىزدار, ورتالىق كومەگىنە جۇگىنە الاسىزدار. ەگەر ورتالىققا جۇگىنگەننەن كەيىن مقۇ قابىلداعان شەشىم ءسىزدى قاناعاتتاندىرماسا, وندا ومبۋدسمەنگە جۇگىنۋگە قۇقىعىڭىز بار.
ومبۋدسمەنگە ءوتىنىشتى قالاي بەرۋگە بولادى؟
ءبىرىنشى قادام. كەلەسى قۇجاتتاردى جيناڭىز:
- جەكە كۋالىك;
- ميكرونەسيە بەرۋ تۋرالى شارت;
- وتەۋ كەستەسى;
- ميكرونەسيە بەرۋ تۋرالى شارتقا قوسىمشا كەلىسىم (بار بولسا);
- ميكروقارجى ۇيىمىنا وتىنىشتەر/جولدانىمدار;
- جىلجىمايتىن م ۇلىك كەپىلى تۋرالى شارت (بار بولسا);
- جىلجىمايتىن م ۇلىك كەپىلى تۋرالى شارتقا قوسىمشا كەلىسىم (بار بولسا);
- ومبۋدسمەنگە جۇگىنگەنگە دەيىن مقۇ-مەن داۋلى ماسەلەلەردى رەتتەۋ ارەكەتتەرىن راستايتىن قۇجاتتار (وتىنىشتەر/جولدانىمدار/مقۇ جاۋاپتارى (بار بولسا).
ەكىنشى قادام
- ءوتىنىشتىڭ ۇلگىسىن mfohelp.kz سايتىنان جۇكتەپ الىپ تولتىرىڭىز;
- ونىڭ جانىنا جوعارىداعى بارلىق قۇجاتتى قوسىڭىز;
- manager@mfohelp.kz پوشتاسىنا جولداڭىز.
ءۇشىنشى قادام. ەكى نۇسقانى تولتىرا وتىرىپ دەربەس دەرەكتەردى جاريالاۋعا كەلىسىم بەرۋ قاجەت:
- ميكرونەسيە بەرۋ قۇپياسىن جاريالاۋعا كەلىسىم;
- دەربەس دەرەكتەردى جيناۋعا جانە وڭدەۋگە كەلىسىم. كەلىسىم نىساندارى ميكروقارجى ومبۋدسمەنىنىڭ سايتىندا كورسەتىلگەن.
ورتالىققا قالاي جۇگىنۋگە بولادى؟
ميكروقارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ, ونىڭ ىشىندە ميكروكرەديت بويىنشا تولەمدى كەيىنگە قالدىرۋدى ۇسىنۋدىڭ بارلىق ماسەلەلەرى بويىنشا ورتالىققا كەلەسى ءنومىر ارقىلى حابارلاسا الاسىز: +7 771 933 34 44.
