جەرگىلىكتى اقپارات قۇرالدارىنىڭ حابارلاۋىنشا, مارقۇمداردىڭ دەنەسى جاعاعا شىعارىلعان. قۇتقارۋ جۇمىستارىنا جاعالاۋ كۇزەتىنىڭ كەمەلەرى, شەكارا پوليتسياسى مەن ءورت سوندىرۋشىلەر جۇمىلدىرىلدى. يتاليانىڭ ءورت ءسوندىرۋ جانە قۇتقارۋ قىزمەتى ميگرانتتار مىنگەن قايىقتىڭ كروتونە پروۆينتسياسىنداعى ستەككاتو دي كۋترو ماڭىندا سۋعا باتىپ كەتكەنىن, 40-قا جۋىق ادام امان قالعانىن حابارلادى. ۆەدومستۆو قۇتقارۋ جۇمىستارىنىڭ جالعاسىپ جاتقانىن ايتتى.
سونداي-اق تەڭىز جاعاسىنداعى دەمالىس ورنىندا جاعاعا 30-عا جۋىق ءمايىتتىڭ شىعىپ قالعانى, سۋدان تاعى ءۇش ءمايىت تابىلعانى جانە قازا تاپقاندار اراسىندا بالا بار ەكەنى حابارلاندى. باسىلىمنىڭ حابارلاۋىنشا, يران, پاكىستان جانە اۋعانستاننان كەلگەن ميگرانتتار مىنگەن قايىق داۋىل كەزىندە جارتاسقا سوعىلعان.
