بۇل ءىس-شارا وزبەكستان مەملەكەتىندە ۇيىمداستىرىلعان. كولىك جارىسىنا جەرگىلىكتى سپورتشىلاردان بولەك, قازاقستانمەن تاجىكستاننان 50-گە تارتا تەمىر تۇلپار يەسى باق سىناسقان ەدى.
جۇرگىزۋشى يليا پروكوپەنكو: «مەن قازاقستاندا مۇنداي جارىستارعا ءجيى قاتىسىپ تۇرامىن. وزبەكستانعا العاش كەلۋىم. اۋا رايىنا بايلانىستى جول اۋىر بولدى. كوپ كولىك لايدا قالىپ قويدى. ءبىز تەمىر تۇلپارىمىزدى وسى سايىسقا ارنايى دايىندادىق. الداعى ۋاقىتتا باسقا دا حالىقارالىق جارىستارعا قاتىسىپ, بۇدان بيىك بەلەستەردى باعىندىرامىن دەگەن سەنىمدەمىن», دەپ ويىن اياقتادى.
جول تالعامايتىن كولىك مىنگەندەر ءتۇرلى كەدەرگىلەردەن سۇرىنبەي ءوتتى. ءبىزدىڭ ەلدەن بارعان سپورتشى مارە سىزىعىنا ەكىنشى بولىپ جەتتى. الايدا جارىس جەڭىمپازىمەن ۋاقىت ايىرماشىلىعى كوپ ەمەس. بايگە بارىسىندا لاي-باتپاقتان ءارى اسا الماعاندار دا بار. جۇلدەگەرلەر سىياقى جانە ەستەلىك سىيلىقتارمەن ماراپاتتالدى. وتانداسىمىز بۇل جەتىستىگىمەن توقتاماي, الداعى ۋاقىتتا جوعارى دەڭگەيلى جارىستارعا قاتىسۋدى جوسپارلاپ وتىر.
