قازاقستان تەننيسشىسى شيرەك فينالدا الەمنىڭ 25-ءىنشى, وسى جارىستىڭ 4-راكەتكاسى, بولگاريالىق گريگور ديميتروۆپەن شەبەرلىك بايقاستى. ءبىرىنشى سەتتە بۋبليك ءساتتى ويناي ءبىلدى – 7:5. ەسەسىنە ەكىنشىسىندە بولگاريالىق سپورتشى برەيكپەن العا كەتتى – 3:1. سول باسىمدىلىعىن ساقتاپ قالا الدى – 6:3.
ءۇشىنشى, شەشۋشى پارتيادا ماتچ تاعدىرى تاي-برەيكتە شەشىلدى. وندا ساتتىلىك الەكساندر جاعىندا بولدى – 7:6 (8:6).
ەكى ساعات 20 مينۋتقا سوزىلعان باسەكە بارىسىندا ا.بۋبليك 16 ەيس جاساپ, 3 برەيك-پوينتتىڭ ەكەۋىن پايدالاندى. قارسىلاسى 14 ەيس, 2 برەيكپەن كوزگە ءتۇستى.
الەكساندر بۋبليك فينالعا شىعۋ ءۇشىن الەمنىڭ 11-ءىنشى, ءتۋرنيردىڭ 1-راكەتكاسى, پولشا وكىلى حۋبەرت گۋركاچپەن كەزدەسەدى.
