ەلىمىزدە «Birgemiz: Qamqor» جالپىۇلتتىق جوباسى جالعاسىپ جاتىر. ءۇش جىلدىق «Birgemiz: Qamqor» جوباسى قارتتار ۇيلەرى مەن حالىقتى الەۋمەتتىك قورعاۋ جۇيەسىنە قاراستى الەۋمەتتىك قىزمەت كورسەتەتىن ورتالىقتاردىڭ تۇرعىندارىن قولداۋعا باعىتتالعان.
«2022 جىلى «Birgemiz: Qamqor» جوباسىن ۇيىمداستىرۋشىلار الەۋمەتتىك قىزمەت كورسەتۋ ۇيىمدارىندا جۇمىس ىستەۋگە نيەتتى 1000 ەرىكتىنى ارنايى وقىتۋدان وتكىزدى. سونداي-اق شاعىن گرانتتار كونكۋرسىنىڭ ناتيجەسىندە 30 جەڭىمپاز وزدەرىنىڭ ۆولونتەرلىك باستامالارىن جۇزەگە اسىردى. «Birgemiz: Qamqor» الەۋمەتتىك جوباسىن ىسكە اسىرۋ 2023 جىلى دا جالعاسادى», دەلىنگەن اقپارات جانە قوعامدىق دامۋ مينيسترلىگى تاراتقان اقپاراتتا.
ۇيىمداستىرۋشىلاردىڭ ايتۋىنشا, ءداستۇر بويىنشا جالعىزباستى قارتتارعا كومەك كورسەتۋ جانە ەرىكتىلەردى الەۋمەتتىك ومىرگە تارتۋ ماقساتىندا ءتۇرلى باستامالاردى قولداۋعا باعىتتالعان شاعىن گرانتتار كونكۋرسى بيىل دا وتەدى.
جوبا اياسىندا 2023 جىلى 300 مىڭ تەڭگە مولشەرىندەگى 30 شاعىن گرانت بولىنەدى.
سونداي-اق جوسپارعا سايكەس جوباعا ءبىر جىل ىشىندە كەمىندە 2 مىڭ ۆولونتيور تارتىلماق.
ايتا كەتەيىك, اقپارات جانە قوعامدىق دامۋ مينيسترلىگىنىڭ تاپسىرىسى بويىنشا «Birgemiz: Qamqor» الەۋمەتتىك جوباسى 2024 جىلدىڭ سوڭىنا دەيىن جۇزەگە اسىرىلادى.
