23 قاڭتاردا زاڭداستىرۋ باستالعالى بەرى وتكەن ءۇش اپتا ىشىندە باتىسقازاقستاندىقتاردىڭ اتىنا بارلىعى 2505 اۆتوكولىك اۋىسقان ەكەن.
ونىڭ 295-ءى ارمەنيا مەملەكەتىندە تىركەلگەن بولسا, 87 كولىك ارمەنيادان بۇرىنىراق اكەلىنىپ, سارى نومىرمەن جۇرگەن ەكەن. زاڭداستىرىلعان كولىكتەردىڭ باسىم بولىگى رەسەي فەدەراتسياسىنان كەلگەن. مۇنداي اۆتوكولىك سانى 2115-كە جەتىپتى.
تىركەلگەن كولىكتەردىڭ تىزىمىندە اراب امىرلىكتەرىنەن كەلگەن – 3, بەلورۋسسيادان كەلگەن – 2, گرۋزيا مەملەكەتىنەن – 2, قىرعىز ەلىنەن 1 ماشينا دا بار.
باتىس قازاقستان وبلىستىق پوليتسيا دەپارتامەنتىنىڭ ءباسپاسوز قىزمەتى ەلىمىزدىڭ وزگە وڭىرىنەن باتىسقازاقستاندىقتاردىڭ اتىنا تىركەلگەن اۆتوكولىكتەردىڭ سانىن دا جاريا ەتتى. وسىنداي 44 كولىكتىڭ 14-ءى – ارمەنيادان, 28-ءى – رەسەيدەن, 2-ەۋى قىرعىزستاننان اكەلىنگەن ەكەن.
باتىس قازاقستان وبلىسى
