وڭتۇستىك كورەيامەن ىنتىماقتاستىعىمىز ارتا بەرەدى

استانا. 20 ماۋسىم. مەملەكەت باسشىسى نۇرسۇلتان نازارباەۆ كورەيا رەسپۋبليكاسى پرەزيدەنتىنىڭ ساپارى ەكىجاقتى بايلانىستاردى ودان ارى دامىتا بەرەدى دەپ مالىمدەدى. بۇل تۋرالى akorda.kz حابارلادى. نۇرسۇلتان نازارباەۆ: «وڭتۇستىككورەيالىق سەرىكتەستەرمەن شيكىزاتتىق ەمەس سالاداعى ىنتىماقتاستىق جۇيەلى تۇردە كەڭەيىپ كەلەدى. قازىردىڭ وزىندە 300-دەن اسا بىرلەسكەن كاسىپورىن قۇرىلدى, سونىڭ ىشىندە جەڭىل اۆتوموبيلدەر مەن جۇك جانە جولاۋشى تاسىمالى كولىكتەرىن قۇراستىرۋ كاسىپورىندارى بار. بالقاش جىلۋ ەلەكتر ستانساسى, اتىراۋ وبلىسىنداعى گاز-حيميا كەشەنى قۇرىلىسى, «جامبىل» كەنىشىن يگەرۋ سەكىلدى ءىرى جوبالار تابىستى ىلگەرىلەۋدە. سونداي-اق, كەلىسسوزدەر بارىسىندا ءبىز پاك حانىممەن بىرگە كورەيلىك بيزنەستىڭ قازاقستاننىڭ ۇدەمەلى يندۋستريالىق-يننوۆاتسيالىق دامۋ باعدارلاماسىنا قاتىسۋى جايىن تالقىلادىق. تاراپتار «تەحنولوگيالاردى رەسۋرسقا الماستىرۋ» فورمۋلاسى بويىنشا ىنتىماقتاسۋعا مۇددەلى ەكەندىگىن قۋاتتادى», – دەدى. بۇدان بولەك, پرەزيدەنت ەكى ەل اراسىندا ۆيزاسىز رەجىم ورناتىلاتىنىن, بۇل قوس مەملەكەت ءۇشىن ىڭعايلى جانە ءتيىمدى بيزنەستىك احۋال قالىپاستىراتىنىن جەتكىزدى. كورەيا رەسپۋبليكاسى پرەزيدەنتى پاك كىن حە ءوز كەزەگىندە: «ءبىز ينفراقۇرىلىمدىق قۇرىلىس, عىلىم مەن تەحنولوگيا, ورمان شارۋاشىلىعى مەن ەكولوگيا سياقتى سالالارداعى ىنتىماقتاستىق اياسىن كەڭەيتە وتىرىپ, ەكى ەلدىڭ بىرلەسە دامۋىنا جانە قازاقستان ەكونوميكاسىن ارتاراپتاندىرۋعا ۇلەس قوسۋ جونىندە كەلىسىمگە كەلدىك. ەكى ەلدىڭ بولاشاققا مەجەلەنگەن قارىم-قاتىناسى ءۇشىن گۋمانيتارلىق-مادەني الماسۋدى جانداندىرىپ, باستاپقى كەزەڭدە ينۆەستيتسيالىق كەدەرگىلەردى ازايتۋ ماڭىزدى ەكەنى جونىندە ورتاق توقتامعا كەلدىك», – دەدى. تاراپتاردىڭ كەزدەسۋى بارىسىندا بەلگىلى بولعانداي, وڭتۇستىك كورەيا جاعى ەلىمىزدىڭ دۇنيەجۇزىلىك ساۋدا ۇيىمىنا كىرۋگە دەگەن تالپىنىسىن قولداپ وتىر. پاك كىن حەنىڭ ايتۋىنشا, ەگەر ەلىمىز   دۇنيەجۇزىلىك ساۋدا ۇيىمىنا كىرەتىن بولسا, ەكى ەل اراسىنداعى ساۋدا-ينۆەستيتسيالىق ىنتىماقتاستىق ارتا تۇسەدى. وڭتۇستىك كورەيا پرەزيدەنتى كەزدەسۋ سوڭىندا: «وسى ساپار وتكەن جيىرما جىل ىشىندە قالىپتاسقان سەنىمدى قارىم-قاتىناستار الەۋەتىنىڭ بۇدان ءارى دامىتىلۋىنا ايتارلىقتاي سەرپىن بەرەدى», – دەدى. جولدىباي بازار. دەرەككوز: akorda.kz. فوتو: sk.kz.