شىڭعىستاۋدا قۇنانباي تۋرالى فيلم تۇسىرىلەدى

شىعىس قازاقستان وبلىسىنىڭ اباي اۋدانىندا قۇنانباي تۋرا­لى كوركەم فيلم تۇسىرىلەتىن بول­دى. بۇل جونىندە سەمەي قالا­سى مادەنيەت جانە تىلدەردى دامى­تۋ ءبولىمىنىڭ باستىعى بەرىك كوپباەۆ مالىمدەدى. قازاق حالقىنىڭ ۇلى اعارتۋشىسى, حاكىم ابايدىڭ اكەسى تۋرالى فيلم بيىلعى شىلدە مەن قىركۇيەك ارالىعىندا قارا­ۋىل جانىنداعى قاراشوقىدا ءتۇسىرىل­مەك. ءتۇسىرۋ جۇمىستارىنا قاجەتتى قار­جى مەملەكەت تاراپىنان بولىنەدى. بەرىك كوپباەۆتىڭ ايتۋىنشا, سەمەي قالاسى ءتۇسىرۋ جۇمىستارىنا كەم دەگەندە 20 كيىز ءۇي تىگەتىن بولادى. ال ءتۇسىرۋ الاڭىنا بار­لىعى 150 كيىز ءۇي قاجەت. فيلم­نىڭ كينورەجيسسەرى بەلگىلى اكتەر دوسقان جولجاقسىنوۆ. ول وسى­عان دەيىن «ءبىرجان سال» كوركەم فيل­مىنە جەتەكشىلىك ەتىپ, باستى رولدە ويناعان بولاتىن. وبلىس اكىمدىگىنىڭ سەلەكتورلىق وتى­رى­سىن­دا ءفيلمدى ءتۇسىرۋ بارى­سىن­داعى جۇمىس كولەمى جانە قاجەتتى تەحنيكامەن قامتاما­سىز ەتۋ, ءوڭىر­دەگى, اۋدانداردىڭ تاراپىنان كور­سەتىلەتىن كومەك جاعى قارالادى. – 1 شىلدەدە قاراشوقىدا وب­لىس­­تىڭ بارلىق اۋداندارىنىڭ وكىل­دەرى جينالادى. ءتۇسىرۋ جۇ­مىس­تارى ارۋاقتارعا باعىشتا­لىپ اس بەرىلگەننەن كەيىن باس­تا­لاتىن بولادى. جالپى, بۇل فيلم بىرنەشە سەريادان تۇرۋى مۇمكىن, – دەدى بەرىك كوپباەۆ. فيلمگە جەتەكشى اكتەرلەر قۇرامىمەن بىرگە جەرگىلىكتى ارتىستەر دە قاتىستىرىلماق. دۋمان اناش, «ەگەمەن قازاقستان». شىعىس قازاقستان وبلىسى.