IMPACT Olimpiad حالىقارالىق اشىق بايقاۋى وسىمەن بەسىنشى رەت ۇيىمداستىرىلىپ وتىر. وعان قازاقستان, رەسەي, موڭعوليا, گرۋزيا, وزبەكستان, قىرعىزستان, تاجىكستان مەملەكەتتەرىنەن ۇزىن سانى 250-دەن استام مۇعالىم قاتىسقان.
ءبىلىم جارىسىنىڭ قورىتىندىسى بويىنشا, فيزيكا ءپانىنىڭ مۇعالىمى ءساليا تۇكتىباەۆا 2-ورىنعا يە بولسا, ماتەماتيكا مۇعالىمى ستانيسلاۆ كوزلوۆسكي مەن ينفورماتيكا ءپانىنىڭ مۇعالىمى بوريس زەلەنوۆ جۇلدەلى 3-ورىندى يەلەندى.
– بايقاۋ تالاپتارى بويىنشا 7 تاپسىرما ورىنداپ شىقتىق. ونىڭ تورتەۋى وليمپيادالىق تاپسىرماعا جاتادى, ال ۇشەۋى – شەشىمى بار ەسەپتەردەن تۇراتىن ادىستەمەلىك بلوك. بۇل جەردە ءبىز قاتە تاۋىپ, ەسەپتى دۇرىس شەشۋدىڭ ادىستەمەلىك جولدارىن ءتۇسىندىرىپ بەردىك. تاپسىرمالاردى ورىنداۋعا 4 ساعات ۋاقىت بەرىلگەن, بىراق مەن وسىنىڭ ءبارىن ءسال ەرتەرەك 3 ساعاتتىڭ ىشىندە ورىنداپ, تاپسىردىم. ناتيجە بار, ەڭ باستىسى, وزىمە پايدالى تاجىريبە الدىم, – دەيدى فيزيكا ءپانىنىڭ مۇعالىمى ءساليا تۇكتىباەۆا.
ينفورماتيكا ءپانىنىڭ مۇعالىمى بوريس زەلەنوۆ ءارتۇرلى دەڭگەيدەگى تاپسىرمالاردى جەڭىلدەن كۇردەلىگە قاراي ورىنداپ شىعىپتى.
– تاپسىرمالار وتە قىزىقتى بولدى. وليمپيادانىڭ العاشقى كۇنى پاندىك سەكتسيالار بويىنشا سەمينارلار ءوتتى. وندا ءبىز ءوز تاجىريبەمىزبەن, ءپاندى وقىتۋداعى لايفحاكتارمەن بولىستىك. كەلەسى كۇنى وتكەن ءتورت ساعاتتىق مارافون بارىسىندا وليمپيادا دەڭگەيىندەگى 10 تاپسىرمانى شەشتىك, – دەيدى مۇعالىم.
قوستاناي وبلىسى
