«تەرگەۋ بارىسىندا كۇدىكتى راحيموۆ كوشەسىنىڭ بويىندا ورنالاسقان مەشىتكە كەلىپ, ناماز كەزىندە زالدىڭ ەڭ سوڭعى قاتارىندا تۇرعان. سول كەزدە ول تەرەزەنىڭ الدىندا جاتقان كۇرتەشەلەردى بايقاعان. جينالعانداردىڭ بايقاماي تۇرعانىن پايدالانىپ, كۇرتەشەلەردىڭ بىرىنەن ءاميان تاۋىپ الىپ, ىشىنەن 600 اقش دوللارى كولەمىندەگى اقشانى يەمدەنىپ العان. كەيىن ءامياندى كۇرتەشەگە قايتا سالىپ, مەشىتتەن شىعىپ كەتكەن», دەلىنگەن پوليتسيا دەپارتامەنتى تاراتقان حابارلامادا.
اتالعان دەرەككە قاتىستى قر قىلمىستىق كودەكسىنىڭ 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
ۇستالعان ازامات كىناسىن تولىق مويىندادى, ال پوليتسيا قىزمەتكەرلەرى زاتتاي دالەلدەمەلەردى تاركىلەدى. ونىڭ بۇرىن استانا اۋماعىندا جاسالعان وسىعان ۇقساس قىلمىستارعا قاتىسى بار-جوعى تەكسەرىلىپ جاتىر.
