قازاقستاندىق دەلەگاتسيانى باس قولباسشىنىڭ قارۋ-جاراق جونىندەگى ورىنباسارى – اۋە قورعانىسى كۇشتەرى قارۋ-جاراق باس باسقارماسىنىڭ باستىعى پولكوۆنيك ەرجان نىلدىباەۆ باسقارىپ باردى.
Aero India حالىقارالىق اۋە كورمەسى جىل سايىن اسكەري ماقساتتاعى ونىمدەردى ساتىپ الۋعا, بىرلەسكەن زەرتتەۋ باعدارلامالارىن قۇرۋعا جانە تەحنولوگيالىق سەرىكتەستىكتى دامىتۋعا مۇددەلى ونداعان مىڭ كەلۋشىلەر مەن مامانداردى جينايدى.
ازياداعى ەڭ ءىرى حالىقارالىق اۆياتسيالىق كورمەدە الەمدىك كوشباسشىلار جاۋىنگەرلىك اۆياتسيانىڭ, ۇشقىشسىز ۇشۋ اپپاراتتارىنىڭ, اۆياكولىكتىڭ, اۋە شابۋىلىنا قارسى قورعانىس قۇرالدارىنىڭ, ناۆيگاتسيالىق قامتاماسىز ەتۋ اسپاپتارىنىڭ, قاۋىپسىزدىك جۇيەلەرى مەن جەرگە قىزمەت كورسەتۋ تەحنولوگيالارىنىڭ زاماناۋي ۇلگىلەرىن ۇسىنادى.
