«قازاقستاندا سوڭعى 3 كۇندە جەر سىلكىنىسىنەن زارداپ شەككەندەرگە كومەك كورسەتۋ ءۇشىن جينالعان 1 ميلليون 28 مىڭ 706 دوللار كولەمىندەگى قاراجات AFAD-تىڭ رەسمي شوتىنا اۋدارىلدى. وسىلايشا قايىرىمدىلىقتىڭ جالپى سوماسى 2 ميلليون 849 مىڭ 836 دوللاردى قۇرادى», دەلىنگەن استاناداعى تۇركيا ەلشىلىگىنىڭ حابارلاماسىندا.
ەسكە سالايىق, 6 اقپاندا تۇركيانىڭ وڭتۇستىك-شىعىس بولىگىندە ەكى كۇشتى جەر سىلكىنىسى بولدى, سونىمەن قاتار سيريانىڭ بىرنەشە پروۆينتسياسى زارداپ شەككەن.
قازا تاپقاندار سانى قازىردىڭ وزىندە 33 مىڭنان استى. قۇتقارۋ جۇمىستارى جالعاسىپ جاتىر. بۇۇ مالىمەتىنشە, قۇرباندار سانى 50 مىڭ ادامنان اسۋى مۇمكىن. قر توتەنشە جاعدايلار مينيسترلىگىنىڭ قۇتقارۋشىلارى 7 اقپاندا جەر سىلكىنىسى سالدارىن جويۋ ءۇشىن الماتىدان تۇركياعا ۇشىپ كەتتى.
جەر سىلكىنىسى ەلگە 70 ميلليارد دوللاردان استام شىعىن اكەلدى. سونداي-اق جۇمىس كۇشىنىڭ جوعالۋى تۇرىك ەكونوميكاسىنا ءۇش ميلليارد دوللار شىعىن اكەلەدى.
