اقمولا وبلىسى اكىمىنىڭ جاڭا ورىنباسارى تاعايىندالدى

استانا. 19 ماۋسىم. اقمولا وبلىسىنىڭ باسشىسى س.ۆ. كۋلاگيننىڭ وكىمىمەن قادىرحان ماحمۇت ۇلى وتاروۆ وبلىس اكىمىنىڭ ورىنباسارى لاۋازىمىنا بەكىتىلدى. بۇل تۋرالى akmo.gov.kz حابارلادى. ق.وتاروۆ 1953 جىلى اقتوبە وبلىسى شالقار اۋدانىندا تۋعان. جوعارى ءبىلىمدى. باتىس قازاقستان اۋىل شارۋاشىلىق ينستيتۋتىن بىتىرگەن. ماماندىعى – زووتەحنيك. اۋىلشارۋاشىلىق عىلىمىنىڭ كانديداتى. ەڭبەك جولىن 1975 جىلى اقتوبە وبلىسى «حلەبوداروۆسكي» كەڭشارىنىڭ زووتەحنيك-سەلەكتسيونەرى بولىپ باستاعان. باس زووتەحنيك قىزمەتىنەن باستاپ اقتوبە وبلىستىق اۋىل شارۋاشىلىعى باسقارماسىنىڭ باستىعى لاۋازىمىنا دەيىنگى ەڭبەك جولىنان وتكەن. 1994 جىلى اۋىل شارۋاشىلىعى ۆيتسە-ءمينيسترى لاۋازىمىنا تاعايىندالسا, 1999 جىلعى قاراشادان باستاپ اقمولا وبلىسى اكىمىنىڭ ورىنباسارى, ءبىرىنشى ورىنباسارى قىزمەتتەرىن اتقاردى. كەيىنگى جىلداردا جەر رەسۋرستارىن باسقارۋ اگەنتتىگىنىڭ توراعاسى, وڭىرلىك دامۋ مينيسترلىگى جەر رەسۋرستارىن باسقارۋ كوميتەتىنىڭ توراعاسى بولدى. «قۇرمەت», «پاراسات», ءىىى دارەجەلى «بارىس» وردەندەرىمەن جانە 4 رەت مەرەيتويلىق مەدالمەن ماراپاتتالعان. جولدىباي بازار. دەرەككوز: akmo.gov.kz. فوتو:  akmo.gov.kz.