«مەن دارەتحاناعا بارايىن دەپ ەسىكتى اشقانىمدا 9-سىنىپتا وقيتىن وقۋشى بالتامەن ۇرا باستادى. ول مەكتەپ فورماسىن جانە بەتپەردە كيگەن. قولىندا بالتا مەن پىشاق بولدى. ول مەنىمەن قاتار 9-سىنىپتاعى بالا مەن 10-شى سىنىپتىڭ قىزىنا شابۋىل جاسادى», دەدى ۆلاديسلاۆ گورباچەنكو.
زارداپ شەككەن مەكتەپ وقۋشىسىنىڭ ايتۋىنشا, ءجاسوسپىرىم ءۇنسىز شابۋىل جاساعان. بارلىعى ساناۋلى مينۋتتاردا بولعان.
«ول مەكتەپكە سومكەسىنە بالتا سالىپ, الىپ بارعان. مەكتەپكە كىرەر كەزدە وقۋشىلاردىڭ سومكەلەرى تەكسەرىلمەيدى. بالالاردىڭ سومكەسىن تىنتۋگە ەشكىمنىڭ قۇقىعى جوق, مۇنى وزدەرىڭىز جاقسى تۇسىنەسىزدەر», دەپ ءتۇسىندىردى سولتۇستىك قازاقستان وبلىسى ءبىلىم باسقارماسىنىڭ باسشىسى ءنازىر جاشىبەكوۆ.
پەتروپاۆل قالاسىنىڭ پروكۋرورى ارمان نۇرتازين اتالعان فاكت بويىنشا قىلمىستىق كودەكستىڭ 99-بابى 2-بولىگىنىڭ 1.14-تارماعى «ادام ولتىرۋگە وقتالۋ» بويىنشا سوتالدى تەرگەۋ باستالعانىن ايتتى. قازىرگى ۋاقىتتا كامەلەتكە تولماعان بالا ۇستالىپ, ونىمەن پوليتسيا جۇمىس ىستەپ جاتىر.
