ءباا-مەن برازيليالىق Embraer اۆياكومپانياسىنا تيەسىلى Eve Holding كومپانياسى اراسىندا 35 اەروتاكسيدى جەتكىزۋ تۋرالى كەلىسىمگە قول قويىلعان. بۇل جوبا دۋبايدىڭ قالالىق اۋە كولىگى سالاسىنداعى الەمدىك كوشباسشىعا اينالۋىنا ىقپال ەتەدى.
Eve قازىردىڭ وزىندە 1825 ۇشاق جاساۋعا تاپسىرىس العان جانە العاشقى ماشينانى 2026 جىلى ىسكە قوسادى. ايتا كەتۋ كەرەك, Airbus جانە Boeing ونەركاسىپتىك الىپتارى eVTOL وندىرىسىنە بەلسەندى ينۆەستيتسيا سالىپ جاتىر.
2021 جىلدىڭ جەلتوقسانىندا دۋبايدا بريتاندىق Bellwether Industries كومپانياسى جاساعان ۇشاتىن ەكى ورىندى كولىككە العاشقى سىناق رەيستەرى ءساتتى وتكەن بولاتىن. قاشىقتان باسقارىلاتىن تاكسي ءتورت مەتر بيىكتىكتە شامامەن 40 كم/ساع جىلدامدىقپەن بىرنەشە رەيستەر جاساعان. بولاشاقتا كومپانيا ءتورت ورىندى ۇشاتىن كولىكتى نارىققا شىعارۋدى جوسپارلاپ وتىر. ول 217 كم/ساع جىلدامدىقپەن ۇشادى, ال ۇشۋ بيىكتىگى 900 مەترگە جەتەدى. ءبىر باتارەيا زاريادىنىڭ ۇشۋ ۋاقىتى 90 مينۋتقا دەيىن بولادى.
ۇشاتىن كولىكتەر 2028 جىلعا قاراي ساتىلىمعا شىعادى دەپ جوسپارلانعان. ونى جەكە كولىك نەمەسە تاكسي رەتىندە پايدالانۋعا بولادى.
