بەلگىلى بولعانداي, بارلىعى شۇعىل تۇردە مەكتەپ عيماراتىنان كوشەگە شىعارىلعان. ەۆاكۋاتسيا كەزىندە تۇسىرىلگەن ۆيدەو الەۋمەتتىك جەلىلەردەگى پاراقشالارعا تاراپ كەتكەن.
قۇقىق قورعاۋ ورگاندارىنىڭ مالىمەتىنشە, 13 اقپاندا تاڭەرتەڭ № 34 ورتا مەكتەپتىڭ ديرەكتورى پوليتسياعا حابارلاسىپ, مەكتەپتىڭ ەلەكتروندى پوشتاسىنا مەكتەپتە «سنارياد» بارى تۋرالى حابارلاما كەلگەنىن ايتقان.
«وقيعا ورنىنا بارلىق قىزمەتتەر جىبەرىلدى. عيمارات تەكسەرىلدى. 1115 ادام, ونىڭ ىشىندە 950 وقۋشى ەۆاكۋاتسيالاندى. سونداي-اق № 35 ورتا مەكتەپتەن 1000-عا جۋىق ادام قاۋىپسىز جەرگە كوشىرىلدى. جارىلعىش زاتتار بويىنشا ماماندار عيماراتتاردان كۇدىكتى جانە جارىلعىش قۇرىلعىلار تاپپادى. اتالعان دەرەك بويىنشا تەرگەۋ امالدارى جۇرگىزىلىپ جاتىر», دەلىنگەن قر ءىىم Telegram-كانالىندا.
