مينيستر قارۋلى كۇشتەر اسكەري قىزمەتشىلەرى مەن ازاماتتىق پەرسونالدىڭ اقشالاي ۇلەسىن تولەۋدەگى وزگەرىستەر جايلى ايتتى. بيىلدان باستاپ ۇشۋ قۇرامىنىڭ لاۋازىمدىق جالاقىسى كوتەرىلەدى. اسكەري مەديتسينا قىزمەتكەرلەرى مەن اسكەري جوعارى وقۋ ورىندارىنىڭ ازاماتتىق وقىتۋشىلارىنىڭ اقشالاي ۇلەسىن ازاماتتىق بەيىندەگى مەكەمەلەردىڭ جالاقى دەڭگەيىنە دەيىن ارتتىرۋ مۇمكىندىگى قاراستىرىلىپ جاتىر.
2023 جىل ىشىندە ءىىم ۇلتتىق ۇلانىمەن ۇقساستىعى بويىنشا تج سالدارىن جويۋ كەزىندە اسكەري قىزمەتشىلەرگە ءۇش ەسەلەنگەن اقشالاي قاراجات مولشەرىندە تولەمدى ارتتىرۋ دا كوزدەلگەن. قورعانىس ۆەدومستۆوسىنىڭ باسشىسى 2024 جىلدان باستاپ قاتارداعى جاۋىنگەرلەر مەن سەرجانتتىق قۇرامدار لاۋازىمدارىنىڭ تاريفتىك ساناتتارىن جانە اسكەري اتاعى بويىنشا اسكەري قىزمەتشىلەردىڭ جالاقىلارىن 30%-عا ارتتىرۋ جوسپارلانعانىن العا تارتتى.
سونىمەن قاتار گەنەرال-پولكوۆنيك رۋسلان جاقسىلىقوۆ ارداگەرلەردى ۇكىمەت دەڭگەيىندە اسكەري قىزمەتشىلەردى زەينەتاقىمەن قامسىزداندىرۋدى جەتىلدىرۋ بويىنشا جۇرگىزىلىپ جاتقان جۇمىستار تۋرالى حاباردار ەتتى.
كەلىسىمشارت مەرزىمى وتكەننەن كەيىن اسكەري قىزمەتتەن بوساتىلعان 25 جىل جانە ودان جوعارى قىزمەت ءوتىلى بار اسكەري قىزمەتشىلەرگە زەينەتاقى تولەمدەرىن بەرۋ, 2016 جىلعى 1 قاڭتاردان كەيىن قىزمەتتەن بوساتىلعان اسكەري قىزمەتشىلەرگە مەملەكەتتىك بازالىق زەينەتاقى تولەمىن تاعايىنداۋ, زەينەتاقى تولەمدەرىن الۋشىلاردىڭ مجزق-دان زەينەتاقى جيناقتارىنىڭ قالدىعىن قانداي دا ءبىر شەكتەۋسىز پايدالانۋ قۇقىعى جان-جاقتى پىسىقتالۋدا.
ۇسىنىستار پاكەتىندە 1998 جىلدىڭ 1 قاڭتارىنان كەيىن قىزمەتكە شاقىرىلعان جانە 2016 جىلدىڭ 1 قاڭتارىنا دەيىن جۇمىستان شىعارىلعان اسكەري زەينەتكەرلەرگە زەينەتاقىنى يندەكستەۋ ءوتىنىش بەرگەن ساتتەن ەمەس, قىزمەتتەن بوساتىلعان كۇننەن باستاپ ەسەپتەۋ قاراستىرىلعان.
كەزدەسۋ بارىسىندا اتاپ وتىلگەندەي, ەلىمىزدىڭ قارۋلى كۇشتەرىن قۇرۋدىڭ باستاۋىندا تۇرعان ارداگەرلەر ارميادا بولىپ جاتقان وزگەرىستەردى جانە ازاماتتاردى اسكەري-پاتريوتتىق تاربيەلەۋ ماسەلەلەرىن نازاردان تىس قالدىرعان ەمەس.
– ارميا مەكتەبىنەن وتكەن ارداگەرلەر اسكەري قىزمەتتى بەلسەندى تۇردە ناسيحاتتاپ كەلەدى. ولار ازاماتتاردى اسكەرگە شىعارىپ سالۋعا, مەكتەپتەردەگى ەرلىك ساباقتارىنا, تاۋەلسىز قازاقستان قارۋلى كۇشتەرى تاريحىنىڭ ماڭىزدى كۇندەرىنە ارنالعان اسكەري-پاتريوتتىق اكتسيالار مەن ءىس-شارالارعا قاتىسىپ, ۇرپاقتار ساباقتاستىعىن نىعايتۋعا ىقپال ەتىپ كەلەدى, – دەپ اتاپ ءوتتى گەنەرال-پولكوۆنيك رۋسلان جاقسىلىقوۆ.
«قارۋلى كۇشتەردىڭ ارداگەرلەرى» رقب توراعاسى حالىق قاھارمانى, ارميا گەنەرالى مۇحتار التىنباەۆ ارداگەرلەر اسكەري بولىمدەردىڭ قوعامدىق ومىرىنە جانە وسكەلەڭ ۇرپاقتى اسكەري-پاتريوتتىق تاربيەلەۋگە بەلسەندى قاتىساتىنىن اتاپ ءوتتى. ولار ارقاشان وزدەرىنىڭ ومىرلىك جانە قىزمەتتىك تاجىريبەلەرىمەن بولىسۋگە دايىن.
كەزدەسۋدە ارداگەرلەر قورعانىس مينيسترلىگىنىڭ اسكەري قىزمەتتىڭ بەدەلىن ارتتىرۋعا باعىتتالعان باستامالارىنا وڭ باعا بەردى. ارداگەرلەر ءبىلىم بەرۋ جەڭىلدىكتەرى, نەسيەلىك «دەمالىس», ساربازدار انالارىنىڭ ۇيىمدارىمەن بايلانىستاردى كەڭەيتۋ, اسكەردەگى ماڭىزدى وقيعالار تۋرالى قوعامدى كەڭىنەن حاباردار ەتۋ قارۋلى كۇشتەردىڭ ءيميدجىن نىعايتۋ ءۇشىن جۇمىس ىستەپ جاتقانىن اتاپ ءوتتى.
كەزدەسۋگە قاتىسۋشىلار ازاماتتاردى اسكەري-پاتريوتتىق تاربيەلەۋ, وتان قورعاۋشى مارتەبەسىن كوتەرۋ, اسكەري قىزمەتشىلەر مەن اسكەري زەينەتكەرلەردى الەۋمەتتىك قورعاۋدى جەتىلدىرۋ ماسەلەلەرى بويىنشا ۇسىنىستارىن ءبىلدىردى.
